ទូរសព្ទ SAMSUNG សុខៗគាំង Touch ឬងងឹតអេក្រង់ឈឹង ដំណោះស្រាយងាយដូចបកចេក

2018-03-30 02:00:36
ចំនួនមតិ 0 | ចំនួនចែករំលែក 0

ចន្លោះមិនឃើញ

ជួបច្រើនមកហើយអ្នកប្រើប្រាស់ប្រភេទស្មាតហ្វូន SAMSUNG មានបញ្ហាគាំង Touch ឬចុចបិទម៉ាស៊ីនមិនកើត រហូតដល់ពេលខ្លះប្រើសុខៗក៏ងងឹតអេក្រង់ឈឹង រួចរត់ទៅរកជាងជួសជុល ប៉ះម៉ាស៊ីនខ្លះបើគាំងត្រឹមកម្មវិធី (Software) ជួនកាលអ្នកអាចចាញ់ល្បិចជាងមួយចំនួនតូចកុហកថាខូចអេក្រង់ក៏ថាបាន។

ជៀសវាងការចំណាយថវិកាអស់ច្រើន ករណីម៉ាស៊ីនពុំបានខូចផ្នែក Hardware អ្នករាល់គ្នាអាចសាកល្បងតាមដំណោះស្រាយងាយៗ ជាមួយ Sabay ប៉ុន្តែចាំថាកុំព្យាយាមដោះថ្មចេញពីទូរសព្ទ ព្រោះអាចធ្វើឲ្យថ្មខូចឬបង្កបញ្ហាកាន់តែលើសដើម ព្រោះបើថ្មនៅសល់លើស ៥ ភាគរយអាចប្រើបានធម្មតា ផ្ទុយទៅវិញបើក្រោមនោះអ្នកចាំបាច់ត្រូវដោតសាកប្រហែល ១៥ នាទីសិន។

មធ្យោបាយមិនខុសពី iPhone ដោយលើប្រភេទ Android ក៏មានវិធី Force Restart ឬ Force Reboot ម៉ាស៊ីន ស្របពេលពួកស្មាតហ្វូន SAMSUNG សឹងគ្រប់ម៉ូឌែល អ្នកប្រើប្រាស់គ្រាន់ចុចប៊ូតុង Volume Down + Power/Lock ឲ្យជាប់ក្នុងរយៈពេល ១០ ទៅ ២០ វិនាទី រហូតដល់អេក្រង់ភ្លឺចេញមកវិញ ឬ Restart ម៉ាស៊ីនចេញធម្មតាជាការស្រេច។

-->Sabay ត្រូវការរើស Marketing Consultant។ បើមានចំណាប់អារម្មណ៍ដាក់ CV មក hr@sabay.com ឬចូលទៅកាន់ https://goo.gl/j3UhbY