គ្មានអាជ្ញាកណ្ដាលអង់គ្លេសណាម្នាក់រើសទៅឲ្យកាត់ក្ដីនៅ World Cup
- 2018-03-30 01:02:23
- ចំនួនមតិ 0 | ចំនួនចែករំលែក 0
គ្មានអាជ្ញាកណ្ដាលអង់គ្លេសណាម្នាក់រើសទៅឲ្យកាត់ក្ដីនៅ World Cup
ចន្លោះមិនឃើញ
គ្មានអាជ្ញាកណ្ដាលណាម្នាក់មកពីចក្រភពអង់គ្លេសត្រូវបានរើសទៅឲ្យកាត់ក្ដីនោះទេសម្រាប់ពានរង្វាន់បាល់ទាត់ពិភពលោកនៅរុស្ស៊ីឆ្នាំនេះ។
នេះគឺជាការអវត្តមានអាជ្ញាកណ្ដាលអង់គ្លេសលើកដំបូងនៅ World Cup គិតចាប់ពីឆ្នាំ១៩៣៨មក។ សហព័ន្ធបាល់ទាត់ពិភពលោកបានរើសមន្ត្រីអាជ្ញាកណ្ដាលចំនួន៣៦រូបសម្រាប់កម្មវិធីខាងលើប៉ុន្តែគ្មានអាជ្ញាកណ្ដាលមកពីអង់គ្លេស, វែល, ស្កុតឡែន ឬអៀរឡង់ខាងជើងសូម្បីតែម្នាក់។
អាជ្ញាកណ្ដាលអង់គ្លេសចុងក្រោយគេដែលមានឈ្មោះក្នុងបញ្ជី FIFA គឺ Mark Clattenburg ដែលកាត់ក្ដីវគ្គផ្ដាច់ព្រ័ត្រ Euro រវាងព័រទុយហ្គាល់ និងបារាំងប៉ុន្តែលោកបានលាឈប់ពីតួនាទីតាំងពីឆ្នាំមុនមកម្ល៉េះ។ កុំថាឡើយអាជ្ញាកណ្ដាលលើទីលានសូម្បីជំនួយការ និងអាជ្ញាកណ្ដាលខ្សែបន្ទាត់៦៣រូបក៏គ្មានមកពីអង់គ្លេសដែរ៕