មិនធម្មតា ទោះបាត់មុខ តែ តេង លក្ខិណា នៅតែហ៊ឺហាជាមួយរថយន្តស៊េរីកប់មួយគ្រឿងតម្លៃជាង ១០ម៉ឺនដុល្លារ
- 2018-03-30 03:18:41
- ចំនួនមតិ 0 | ចំនួនចែករំលែក 0
មិនធម្មតា ទោះបាត់មុខ តែ តេង លក្ខិណា នៅតែហ៊ឺហាជាមួយរថយន្តស៊េរីកប់មួយគ្រឿងតម្លៃជាង ១០ម៉ឺនដុល្លារ
ចន្លោះមិនឃើញ
បើទោះសកម្មភាពសិល្បៈ ហាក់រយាល ប៉ុន្តែការណ៍នោះ មិនបានឲ្យជីវភាពរបស់កញ្ញា តេង លក្ខិណា ធាក់ថយឡើយ ស្របពេលឃើញនាងនៅតែមានជីវិតហ៊ឺហា ជាក់ស្ដែងក្រៅពីដំណើរចេញដើរក្រៅប្រទេសរឿយៗ ជួនទៅថៃ ជួនទៅទឹកដីអារ៉ាប់ជាដើមនោះ ពេលនេះ គេឃើញនាង ហ៊ឺហាជាមួយរថយន្តស៊េរីកប់មួយគ្រឿងទៀត។
រថយន្តទំនើបមួយគ្រឿងដែល តេង លក្ខិណា ជិះនោះ គឺម៉ាក Porche ម៉ូដែល Panamera។ តាមអ្នកនៅកៀកនឹងរថយន្ត បានឲ្យដឹងថា រថយន្តទំនើបមួយគ្រឿងនេះ មានតម្លៃមិនក្រោម ១០ម៉ឺនដុល្លារឡើយ ពោលគឺចាប់ពីជាង១០ម៉ឺនឡើងទៅ ដោយប្រែប្រួលទៅតាមប្រភេទឆ្នាំ និងលក្ខណៈ Full Option ឬអត់ទៀត។
មិនទាន់ដឹងទេថា រថយន្តទំនើបតម្លៃជាង១សែនដុល្លារនេះ ជារបស់ លក្ខិណា ផ្ទាល់ ឬយ៉ាងណាឡើយ ខណៈសាមីខ្លួននៅព្រឹកនេះ ពុំបានឆ្លើយតបនឹងការសាកសួរ។
តេង លក្ខិណា បានវិវត្តខ្លួនពីអាជីពជាពិធីការិនីទូរទស្សន៍ មកជាតារាចម្រៀងក្នុងផលិតកម្ម M នាអំឡុងឆ្នាំ ២០១៥។ ប៉ុន្តែអាជីពថ្មីមិនបានជួយជ្រោងឲ្យប្រជាប្រិយភាពនាងឡើងខ្ពស់ទេ ក្រៅពីចងនាងជាមួយព័ត៌មានចចាមអារ៉ាមស្នេហ៍ជាមួយថៅកែស្រីមួយរូប។ ក្រោយពីមុជមិនជ្រៅទៅមិនឆ្ងាយ អតីតពិធីការិនីទូរទស្សន៍ស៊ីធីអិនរូបនេះ មានព័ត៌មានថា នាងបានចេញពីផលិតកម្ម M ទៅហើយកាលពីអំឡុងឆ្នាំ ២០១៦។
បន្ទាប់ដើរចេញពីការងារសិល្បៈចុងក្រោយរបស់ខ្លួន តេង លក្ខិណា កាន់តែស្ងប់ស្ងាត់ការងារសិល្បៈ។ ប៉ុន្តែយ៉ាងនេះក្ដី តារាស្រីសាច់សរូបនេះ នៅតែមានជីវភាពហ៊ឺហា ទន្ទឹមនឹងមានព័ត៌មានជាមួយអ្នកមានទ្រព្យស្ដុកម្នាក់វ័យជាង ៤០ឆ្នាំ តាមហួងហែង និងជ្រោមជ្រែងនាងមិនដាច់ឡើយ។
យ៉ាងណាក្ដី ទន្ទឹមនឹងការព្យាយាមទំនាក់ទំនងនាងមិនទទួលជោគជ័យនាព្រឹកនេះ មិនដឹងថា រថយន្តស៊េរីទំនើប ដែល លក្ខិណា បង្ហាញនៅថ្ងៃនេះ មានពាក់ព័ន្ធយ៉ាងណា នឹងបុរសអាថ៌កំបាំង ឬក៏អត់ឡើយ៕