ក្រុមហ៊ុនលោក Elon Musk ទើបទទួលការអនុញ្ញាតឲ្យបង្ហោះផ្កាយរណបរាប់ពាន់គ្រឿង!
- 2018-03-31 01:41:00
- ចំនួនមតិ 0 | ចំនួនចែករំលែក 0
ក្រុមហ៊ុនលោក Elon Musk ទើបទទួលការអនុញ្ញាតឲ្យបង្ហោះផ្កាយរណបរាប់ពាន់គ្រឿង!
ចន្លោះមិនឃើញ
កាលពីថ្ងៃព្រហស្បតិ៍ ម្សិលមិញនេះស្ថាប័ន Federal Communications Commission (FCC) នៃសហរដ្ឋអាមេរិក បានយល់ព្រមសំណើដែលក្រុមហ៊ុន SpaceX របស់លោក Elon Musk ដែលមានការស្រាវជ្រាវពីអវកាស ដូចជាផលិតរ៉ុកកែត ជាដើមនោះ ឲ្យបង្ហោះផ្កាយរណបដែលអាចផ្ដល់សេវា Broadband ទាំងក្នុងសហរដ្ឋអាមេរិក និងពិភពលោកហើយ។
នេះជាការយល់ព្រមលើកដំបូងបំផុត ដែលអនុញ្ញាតឲ្យក្រុមហ៊ុនអាមេរិក ដែលមានថៅកែជាជនជាតិកាណាដា នេះអាចបង្ហោះ "កញ្ចុំផ្កាយរណប" ដែលមានចំនួនរហូតដល់ទៅ ៤ ៤២៥ ផ្កាយរណប។ ផ្កាយរណបទាំងនេះនឹងប្រើបច្ចេកវិទ្យាថ្មី ដែលអាចហោះនៅក្នុងគន្លងទាបរបស់ផែនដី ពោលគឺវាងាយបញ្ជូនទិន្នន័យទៅមកពាសពេញសហរដ្ឋអាមេរិក និងពិភពលោកតែម្ដង។ ប្រេកង់ដែលផ្កាយរណបទាំងនេះប្រើ ដើម្បីបញ្ជូនរលកសញ្ញា នឹងស្ថិតក្នុងរយៈកម្ពស់ Ka (20/30 GHz) និង Ku (11/14 GHz)។
គួរបញ្ជាក់ផងដែរ ថាបច្ចេកវិទ្យា Broadband សំដៅទៅលើការផ្គត់ផ្គង់សេវា Internet ល្បឿនលឿន ហើយការប្រើផ្កាយរណប ដើម្បីផ្ដល់សេវា Broadband នេះវាមានប្រយោជន៍ច្រើនចំពោះតំបន់ដែលនៅដាច់ស្រយាល ដែលគ្មានប្រព័ន្ធទូរគមនាគមន៍ណាស់៕
ចុចអាន៖