ខ្លាំងមែន! សូម្បីម្ចាស់ផលិតកម្ម SM ក៏ BoA ធ្លាប់ផ្ដល់ដំបូន្មានឲ្យដែរ

2018-03-31 08:02:16
ចំនួនមតិ 0 | ចំនួនចែករំលែក 0

ចន្លោះមិនឃើញ

ចូលសិល្បៈច្រើនឆ្នាំគួរសម ហើយក្លាយជាតារាចម្រៀងរបស់ផលិតកម្ម SM ក៏យូរដែរ ហើយបូករួមនឹងសមត្ថភាព បទពិសោធន៍ទៀត BoA ក៏បានវិវត្តខ្លួនក្លាយជាអ្នកចាត់ការម្នាក់ក្នុងផលិតកម្ម។

បង្ហាញខ្លួនក្នុងកម្មវិធី "Master in the House” តារាស្រីរូបនេះ បានណែនាំឲ្យស្គាល់បន្ទប់ការងារជាលើកដំបូងដោយនាំតារាចូលរួមក្នុងកម្មវិធីដើរមើលក្នុងអគារ SM។ BoA បាននិយាយពីការងារដែលនាងត្រូវបំពេញ ក្នុងនាមជាអ្នកដឹកនាំ ឬជាអ្នកចាត់ការម្នាក់របស់ SM (២នាក់ទៀតរួមមាន Kangta និង Kim Jongmin)។

នាងបានបង្ហាញថា៖ "គ្រប់អ្នកដឹកនាំទាំងអស់មានតួនាទីខុសៗគ្នា។ សម្រាប់នាង នាងជាអ្នកផ្ដល់នូវដំបូន្មាន តម្រង់ទិសដល់ក្មេងៗទើបចូលសិល្បៈថ្មីៗនូវអ្វីដែលពួកគេគួរធ្វើ ហើយប្រសិនមានបញ្ហាអ្វី នាងត្រូវប្រឹក្សាយោបល់ជាមួយអ្នកគ្រប់គ្រងរបស់ពួកគេ”។

តារាស្រីអាយុ ៣១ ឆ្នាំរូបនេះក៏ទម្លាយដែរថា៖ "គ្រប់អ្នកគ្រប់គ្រងទាំងអស់ដែលមានរឿងបារម្ភក្នុងចិត្ត តែងចូលមកពិភាក្សាជាមួយពួកយើង ដោយទទួលយកនូវគំនិតល្អៗ និងដំបូន្មានផ្សេងៗ ហើយក្នុងនោះពេលខ្លះ នាយកក្រុមហ៊ុនលោក Lee Sooman ក៏មកកាន់កន្លែងនេះដែរ”។ គ្រាន់តែឮឈ្មោះម្ចាស់ផលិតកម្មនេះ គ្រប់គ្នាដែលមានវត្តមាននៅទីនោះមានការភ្ញាក់ផ្អើលជាខ្លាំង៕