Alex Ferguson សរសើរកីឡាករ Man Utd ម្នាក់ថានឹងដើរតាមគន្លង David Beckham

2018-04-01 03:24:27
ចំនួនមតិ 0 | ចំនួនចែករំលែក 0

ចន្លោះមិនឃើញ

Sir Alex Ferguson រំពឹងថា Scott McTominay នឹងក្លាយជាកីឡាករដ៏អស្ចារ្យសម្រាប់ក្រុមបិសាចក្រហម ដែលកីឡាករវ័យក្មេងរូបនេះ អាចនឹងដើរតាមគន្លងរបស់ David Beckham មិនខាន។

ខ្សែបម្រើវ័យ២១ឆ្នាំ បានក្លាយទៅជាកីឡាករជម្រើសដំបូងជាប់នៅក្រោមការដឹកនាំរបស់លោក Jose Mourinho ដោយបានបង្ហាញខ្លួន ១៨ លើក។ កីឡាករសញ្ជាតិស្កុតឡែន បានចូលមកហ្វឹកហាត់នៅក្លឹប Man Utd តាំងពីកុមារភាពនៅអាយុ៨ឆ្នាំ ហើយ Ferguson បានមើលឃើញពីភាពស្រដៀងគ្នារវាង McTominay និង Beckham ដែលមានការរីកចម្រើនតាំងពីវ័យជំទង់។

អតីតគ្រូបង្វឹកក្រុមបិសាចក្រហម បានផ្តល់បទសម្ភាសន៍ឲ្យសារព័ត៌មានក្នុងស្រុករបស់ប្រទេសស្កុតឡែន The Scottish Sun ថា McTominay “នឹងមានអនាគតត្រចះត្រចង់។ Scott មានអាយុ ៨ ឆ្នាំ ហើយគេបានមកការិយាល័យរបស់ខ្ញុំជាមួយឪពុកគេ ឈ្មោះ Frank។ មន្ត្រីធនធានរបស់យើងឈ្មោះ Dave Bushell បាននាំគេឲ្យចូលរួមជាមួយក្រុមយុវជនរបស់ក្លឹប។ គេមានអាយុ៨ឆ្នាំ ដូច Rashford ដែរនៅពេលនោះ។ មានរូបថតខ្ញុំជាមួយគេ តែពេលនោះគេតូចមែនទែន។ កាលណោះ Scott មានអាយុ ៨ ឆ្នាំ ខ្ញុំដឹងថា គេមកពីក្រុង Lancaster ហើយខ្ញុំគិតថា គេជាជនជាតិអង់គ្លេស។ នៅពេលខ្ញុំដឹងថា គ្រួសារគេគឺជាជនជាតិស្កុតឡេន ខ្ញុំបានប្រាប់គេថា ត្រូវតែលេងឱ្យជម្រើសជាតិស្កុតឡេន! នៅពេលយើងជួបគ្នាលើកក្រោយទៀតនៅទីក្រុង Munich ខ្ញុំបានរំលឹកគេពីការសន្ទនានោះម្តងទៀត" ។ លោក Ferguson បាននិយាយ។

Jose Mourinho ក៏បានប្រមើលមើលស្រដៀងអតីតគ្រូបង្វឹក Man Utd ដែរ ដោយកន្លងមក គ្រូបង្វឹកសញ្ជាតិព័រទុយហ្គាល់បានព្រមាន Pogba អំពីអាកប្បកិរិយាខ្វះការទទួលខុសត្រូវរបស់កីឡាករបារាំង ដោយបានយកពេលវេលាទៅធ្វើរឿងផ្ទាល់ខ្លួនច្រើនហួសប្រមាណ។ ទន្ទឹមនឹងនេះ អតីតគ្រូបង្វឹក Chelsea និង Real Madrid ក៏បានផ្តល់សេចក្តីទុកចិត្តឲ្យ Scott McTominay លេងជំនួសតំណែង Pogba សូម្បីក្នុងព្រឹត្តិការណ៍ UEFA Champions League ទល់នឹង Sevilla ក្តី៕

ប្រភព៖ Metro ប្រែសម្រួល៖ សុខ លាងហ៊ត

ពាក្យទាក់ទង

កីឡាបាល់ទាត់អន្តរជាតិ Manchester United

អត្ថបទពេញនិយម

ព្យាករណ៍អាកាសធាតុ! ខែក្រោយនេះ កម្ពុជានឹងមានមានភ្លៀងធ្លាក់ហើយ

បើអត្តសញ្ញាណប័ណ្ណ របក ខូច ឬផុតសុពលភាព អាចទៅធ្វើថ្មីនៅទីតាំងមួយនេះបាន

ចូលឆ្នាំខ្មែរបានសប្បាយជួបជុំហើយ បានទាំងរង្វាន់ពីគ្រុឌឈ្នះផ្អើលពេញភូមិ

ដឹងទេ! បច្ចុប្បន្ន កម្ពុជា កំពុងសម្រុកសាងសង់ស្ពានធំៗចំនួន៣

Dispatch ហែកកកាយទង្វើ Min Hee Jin ព្យាយាមក្ដោប NewJeans និងលាភសក្ការៈពី HYBE

សម្តេចតេជោ បានជួយ ១០ម៉ឺនដុល្លារ ដើម្បីព្យាបាលលោកសាស្រ្តាចារ្យ សំបូរ ម៉ាណ្ណារ៉ា ប៉ុន្តែនៅមិនអាចសង្គ្រោះបាន

អត្ថបទថ្មី

ទស្សនាការសម្ដែងក្បាច់គុនសៅលីញដ៏កម្រលើទឹកដីសៀមរាប

Neymar នៅតែរក្សាកំណត់ត្រាខ្សែប្រយុទ្ធមានតម្លៃខ្លួនខ្ពស់បំផុត ក្នុងប្រវត្តិសាស្ត្រដោះដូរកីឡាករ

Arteta សរសើរ Kai Havertz មិនដាច់ពីមាត់ក្រោយ Arsenal ឈ្នះ Chelsea ៥-០

ជៀសវាងជួបបញ្ហាដដែរៗ សុរ៉ាវឌ្ឍី បង្ហាញមុខបុគ្គល៥នាក់ ដែលអាចមានសិទ្ធផាត់មុខឱ្យខ្លួន

អស់ការអត់ធ្មត់! ណូយ វ៉ាន់ណេត ឲ្យមេធាវីសហការជាមួយមន្ដ្រីក្រសួងមហាផ្ទៃ ចាត់ការអ្នកប្រមាថជីវិតលោក

Panasonic ប្រកាសនូវកិច្ចសហការថ្មីជាមួយក្លិបបាល់ទាត់ Angkor Tiger Siem Reap សម្រាប់រដូវកាលបាល់ទាត់កម្ពុជា 2024/26 ខាងមុខនេះ