BMW i4 សាកភ្លើងពេញ អាចបើកបានដល់ទៅ ៧០០ គីឡូម៉ែត្រ

2018-04-01 04:58:00
ចំនួនមតិ 0 | ចំនួនចែករំលែក 0

ចន្លោះមិនឃើញ

BMW ដែលបានបញ្ចេញរថយន្តមួយម៉ូឌែល ក្នុងកម្មវិធីពិពរណ៍រថយន្ត Frankfurt Motor Show។ រថយន្តនាពេលអនាគត BMW i4 ដើរដោយថាមពលអគ្គិសនីទាំងស្រុងនឹងអាចបើកបានដល់ទៅ ៧០០ គីឡូម៉ែត្រពេលសាកភ្លើងពេញ។

ថ្លែងនៅក្នុងសន្និសីទលទ្ធផលហិរញ្ញវត្ថុប្រចាំឆ្នាំរបស់ក្រុមហ៊ុនរថយន្ត BMW លោក ហារ៉ល គ្រូជើ (Harald Kruger) នាយកប្រតិបត្តិរបស់ក្រុមហ៊ុនបាននិយាយថា "រថយន្ត iNext ដែលនឹងចាប់ផ្តើមចេញលក់នៅឆ្នាំ ២០២១ នឹងមានរយៈចម្ងាយបើកបរស្រដៀងគ្នានឹងរថយន្តខាងលើដែរ។"

លោកនិយាយថា “ជាមួយនឹងម៉ាស៊ីន eDrive ជំនាន់ទី ៥ រថយន្តរបស់យើងនឹងអាចបើកបរបានពី ៥៥០ ទៅ ៧០០ គីឡូម៉ែត្រ ពេលសាកភ្លើងពេញ ដោយអាស្រ័យទៅលើម៉ូដែលរថយន្ត។ យើងនឹងសម្រេចបានរយៈចម្ងាយបែបនេះនៅក្នុងរថយន្ត BMW i4 និង iNext”។ រហូតដល់ថ្ងៃបើកពិព័រណ៍រថយន្តក្រុងហ្សឺណែវ គេបានសន្មតយ៉ាងទូលំទូលាយថា រថយន្ត i5 កំពុងស្ថិតក្នុងដំណើរការផលិត។

រថយន្ត BMW i4 អាចបង្កើនសន្ទុះល្បឿន ០-១០០ គីឡូម៉ែត្រក្នុងមួយម៉ោង ប្រើពេល ៤ វិនាទី និង មានល្បឿនអតិបរមា ២០០ គីឡូម៉ែត្រក្នុងមួយម៉ោង៕

ប្រភព៖ Auto Express ប្រភព៖ rasmeinews.com