ជុំវិញរឿងពិតពីក្រោយព័ត៌មាន Pope និង Bella មកកាន់ប្រទេសកម្ពុជា
- 2018-04-02 01:23:26
- ចំនួនមតិ 0 | ចំនួនចែករំលែក 0
ជុំវិញរឿងពិតពីក្រោយព័ត៌មាន Pope និង Bella មកកាន់ប្រទេសកម្ពុជា
ចន្លោះមិនឃើញ
ព័ត៌មានដែលបានផ្ទុះឡើងថាតារាសម្ដែង ២រូបកំពុងល្បីខ្លាំងប្រចាំប្រទេសថៃ Pope Thanawat និង Bella Ranee នឹងធ្វើដំណើរមកកាន់ប្រទេសកម្ពុជា កំពុងធ្វើឲ្យអ្នកគាំទ្រភ្ញាក់ក្រញ៉ាងគ្រប់គ្នា។
តាមពិតទៅ អ្វីដែលគ្រប់គ្នានាំគ្នា Share តៗគ្នា ទាក់ទងនឹងដំណើរមកកាន់ប្រទេសកម្ពុជានៅថ្ងៃទី ០៨ ខែមេសា ឆ្នាំ ២០១៨ខាងមុខរបស់ ដៃគូសម្ដែងដ៏ស័ក្ដិសមក្នុងរឿង "បុព្វេសន្និវាស” Pope និង Bella នោះ មិនមែនជាការពិតឡើយ។
ដោយសារថ្ងៃទី ០១ ខែមេសាម្សិលមិញ ជាទិវាកុហក (April Fools' Day) ទើបម្នាក់ៗបង្កើតព័ត៌មាននេះឡើង ដើម្បីពញ្ញាក់អារម្មណ៍អ្នកគាំទ្រ ដែលកំពុងចង់ជួបតារាប្រុសស្រីទាំង ២ខ្លាំង។ ត្បិតអ្នកគាំទ្រខ្លះមិនបានជ្រាប តែយ៉ាងណាក៏នៅមានអ្នកខ្លះទៀតដឹងច្បាស់ថា ព័ត៌មាននោះមិនមែនជាការពិតទេ ព្រោះវាបានផ្ទុះឡើងចំថ្ងៃនៃទិវាកុហក។
ប៉ុន្តែទោះជាយ៉ាងណា គ្រប់គ្នាក៏សង្ឃឹមជាប់ក្នុងចិត្តថា ថ្ងៃណាមួយតួ ឃុនមឿន និងម៉ែការាកេតនេះ នឹងមានឱកាសមកជួបផ្ទាល់ជាមួយអ្នកគាំទ្រកម្ពុជាជាក់ជាមិនខាន៕
Sabay ត្រូវការរើស 5 Corporate Sales Executives បើមានចំណាប់អារម្មណ៍ដាក់ CV មក hr@sabay.com ឬចូលទៅកាន់ https://goo.gl/iTqDWW។