ប្រតិកម្មថ្មីទៀត របស់ Selena កាន់តែក្ដៅ ចំពោះការលះបង់របស់អតីតមិត្តប្រុស The Weeknd
- 2018-04-04 13:17:49
- ចំនួនមតិ 0 | ចំនួនចែករំលែក 0
ប្រតិកម្មថ្មីទៀត របស់ Selena កាន់តែក្ដៅ ចំពោះការលះបង់របស់អតីតមិត្តប្រុស The Weeknd
ចន្លោះមិនឃើញ
ក្រោយពីមានការផ្ទុះព័ត៌មានថា អតីតមិត្តប្រុស The Weeknd ឲ្យសញ្ញាតាមរយៈបទចម្រៀងថ្មី "The Call Out My Name" ថាហ៊ានលះបង់ក្រលៀនឲ្យទៅ Selena ភាគីខាងស្រីគឺតារាចម្រៀង Selena ផ្ទាល់មានអារម្មណ៍ឆេះខ្លាំងចំពោះបទចម្រៀងនេះ។ នេះបើតាមការឲ្យដឹងពីប្រភពជិតស្និទ្ធនឹងតារាចម្រៀង Selena ។
ប្រភពស្និទ្ធនឹងតារាចម្រៀង Selena បានលើកឡើងទៀតថា "តារាចម្រៀង Selena ពិតជាមានអារម្មណ៍ថាអតីតមិត្តប្រុស The Weeknd ដុតនាងខ្លាំងតាមរយៈបទចម្រៀងថ្មីនេះ។ "
ប្រភពដដែលនេះក៏បន្ថែមទៀត " Selena ពិតជាឆ្ងល់ណាស់ថា ក្ដីស្រលាញ់របស់អតីតមិត្តប្រុសរូបនេះស្មោះស្ម័គ្រប៉ុណ្ណាដែរ បានជាធ្វើបទចម្រៀងដុតនាងយ៉ាងនេះ។"
ជាក់ស្ដែង នៅក្នុងបទចម្រៀងថ្មី "The Call Out My Name" របស់ The Weeknd គឺបានចម្រៀងថា "ខ្ញុំសឹងតែកាត់សរីរាង្គរបស់ឲ្យទៅអ្នក"
ហើយនៅវគ្គមួយទៀតនៃបទចម្រៀងដដែលនេះ ម្ចាស់បទចម្រៀងថា "ពួកយើងបានជួបគ្នា/ ខ្ញុំបានព្យាបាលរបួសបេះដូងឲ្យអ្នក/ តែការស្រលាញ់អ្នក គឺជាកំហុសឆ្គងមួយ" ។
តាមរយៈបទចម្រៀងនេះ គេអាចដឹងថា The Weeknd មិនពេញចិត្តដែល Selena បែកពីគេ ហើយទៅសាងស្នេហ៍ជាមួយ Justin វិញ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
