តារាជប៉ុន ១០នាក់នេះត្រូវគេចាត់ទុកថាប្រុសសង្ហាដាច់គេប្រចាំប្រទេស
- 2018-04-05 05:20:00
- ចំនួនមតិ 0 | ចំនួនចែករំលែក 0
តារាជប៉ុន ១០នាក់នេះត្រូវគេចាត់ទុកថាប្រុសសង្ហាដាច់គេប្រចាំប្រទេស
ចន្លោះមិនឃើញ
សិល្បកររបស់ជប៉ុនមានភាពលេចធ្លោផ្សេងៗគ្នា តាមរយៈរូបរាង ទម្រង់មុខ និងមន្តស្នេហ៍រៀងខ្លួន។ ប៉ុន្តែក្នុងចំណោម តារាប្រុសទាំងនោះ មានតែ ១០រូបប៉ុណ្ណោះ ដែលត្រូវអ្នកគាំទ្រ ជ្រើសរើសជា ប្រុសស្អាតជាងគេប្រចាំប្រទេសក្នុងឆ្នាំ ២០១៨។
១០. Shun Oguri
ក្នុងគ្រួសាររបស់ តារាប្រុសរូបនេះ ក្រៅពីលោក ក៏នៅមានសមាជិក ២រូបទៀតដែរប្រឡូកក្នុងពិភពសិល្បៈ។ ក្នុងនោះ ឪពុកគឺជាអ្នកដឹកនាំការសម្ដែង និងបងប្អូនជាតារាសម្ដែង។ លោកចាប់ផ្ដើមការងារជាតារាសម្ដែងនៅពេលមានអាយុ ១២ឆ្នាំ។ ក្នុងឆ្នាំ ២០១៨នេះ Shun មានអាយុ ៣៥ឆ្នាំហើយ។
៩. Ryuhei Matsuda
តារាប្រុសកើតឆ្នាំ ១៩៨៣រូបនេះ គឺជាកូនកាត់ជប៉ុន-កូរ៉េ។ លោកចាប់ផ្ដើមអាជីពសម្ដែងនៅអាយុ ១៥ឆ្នាំ។ ចាប់ពីឈានជើងចូលសិល្បៈ លោកបានសាងកេរ្តិ៍ឈ្មោះតាមរយៈការសម្ដែង រហូតមានឱកាសបានឈ្នះពានរង្វាន់ជាច្រើន។
៨. Yosuke Kubozuda
Yosuke ចូលសិល្បៈដំបូង តាមរយៈការងារជាតារាម៉ូដែលរបស់ស្ប៉តពាណិជ្ជកម្មរបស់ទូរទស្សន៍ និងទស្សនាវដ្ដី ហើយក្រោយមកក៏បានក្លាយជាតារាសម្ដែងក្នុងឆ្នាំ ១៩៩៥។ ឆ្នាំថ្មី លោកមានអាយុ ៣៨ឆ្នាំហើយ។
៧. Eita
បុរសវ័យ ៣៥ឆ្នាំរូបនេះ ក៏ជាតារាជើងចាស់របស់ជប៉ុនដែរ។លោកបានបង្ហាញខ្លួនជាហូរហែក្នុងរឿងភាគ និងភាពយន្តខ្នាតធំជាច្រើន។
៦. Masataka Kubota
កំលោះសង្ហាវ័យ ២៩ឆ្នាំរូបនេះ ក៏ទាក់ចិត្តនារីៗមិនស្ទើរដែរ តាមរយៈរូបរាង និងមុខមាត់។ ត្បិតទើបចូលសិល្បៈតាំងពីឆ្នាំ ២០០៦ ប៉ុន្តែ Masataka សម្ដែងបានមិនតិចជាង ៧០រឿងនោះទេ។ ក្នុងចំណោមរឿងទាំងនោះ មានរឿង ៣ដែលធ្វើឲ្យកេរ្តិ៍ឈ្មោះលោក ល្បីសុសសាយ ដូចជារឿង “13 Assassins” ក្នុងឆ្នាំ ២០១០, រឿង “Jellyfish Eyes” ក្នុងឆ្នាំ ២០១៣ និងរឿង "Death Note” ឆ្នាំ ២០១៥។
៥. Kento Hayashi
សម្រាប់តារាប្រុសអាយុ ២៧ឆ្នាំរូបនេះ ទោះបីនៅវ័យក្មេង ប៉ុន្តែត្រូវមហាជនកោតសរសេរគ្រប់គ្នា ដោយសារសមត្ថភាពពិសេសក្នុងការសម្ដែង បូករួមនឹងភាពស្រស់សង្ហារបស់លោក។
៤. Sosuke Ilematsu
Sosuke ចាប់ផ្ដើមចូលសិល្បៈដំបូងក្នុងឆ្នាំ ២០០១ ហើយក្នុងឆ្នាំ ២០០៣ (នៅពេលមានអាយុ ១៣ឆ្នាំ) លោកក៏មានឱកាសបានសម្ដែងជាតួឯករហូតមក។ ឈានចូលឆ្នាំ ថ្មី លោកមានអាយុ ២៧ឆ្នាំហើយ។
៣. Kento Nagayama
សម្រាប់កំលោះសង្ហាកម្ពស់ ១៨៦សង់ទីម៉ែត្ររូបនេះវិញ ឈានចូល ២៩ឆ្នាំហើយ។ តាំងពីចូលសិល្បៈក្នុងឆ្នាំ ២០០៨ មកលោកសម្ដែងបាន ១៤រឿងហើយ។
២. Haruma Miura
ក្រៅពីអាជីពសម្ដែង Haruma ក៏ជាតារាចម្រៀងដែរ។ អ្នកកំលោះវ័យ ២៧ឆ្នាំនេះ បានធ្វើឲ្យអ្នកគាំទ្របាក់ចិត្តស្រឡាញ់ជាច្រើន តែចៃដន្យលោកមានម្ចាស់បេះដូងរួចទៅហើយ។
១. Kento Yamazaki
តារាប្រុសអាយុ ២៣ឆ្នាំនេះ ឈានជើងចូលសិល្បៈដំបូង ដោយចាប់អាជីពជាតារាម៉ូដែលក្នុងឆ្នាំ២០១០។ ប៉ុន្តែមិនយូរប៉ុន្មានក្នុងឆ្នាំដដែល លោកក៏បានក្លាយជាតារាសម្ដែង តាមរយៈរឿងភាគមានចំណងជើងថា "Atami no Sousakan”។
តារាប្រុសជប៉ុនទាំងនេះ កំពុងស្វិតស្វាញនឹងការងារសិល្បៈបច្ចុប្បន្នណាស់។ដោយសារទេពកោសល្យ និងភាពស្រស់សង្ហាមានមន្តស្នេហ៍របស់ពួកគេបែបនេះហើយ ទើបអាចឲ្យតារាទាំងនោះនៅតែអាចឈរជើងបានជាប់យូររាប់ឆ្នាំបែបនេះ៕