ចោលតំណែងគ្រប់គ្រងជើងហោះហើរចេះ៤ភាសា មករត់កង់៣ ព្រោះ២យ៉ាងនេះ
- 2018-04-06 01:16:04
- ចំនួនមតិ 0 | ចំនួនចែករំលែក 0
ចោលតំណែងគ្រប់គ្រងជើងហោះហើរចេះ៤ភាសា មករត់កង់៣ ព្រោះ២យ៉ាងនេះ
ចន្លោះមិនឃើញ
បើមើលតែសំបកក្រៅគឺសាមញ្ញបំផុត ត បើចំណាយពេល បន្តិចដើម្បីជជែកជាមួយ នោះអ្នកនឹង បានដឹងរឿង មួយចំនួនដែលនឹកស្មានមិនដល់។ បុរសអ្នករត់រ៉ឺម៉កកង់បីឥណ្ឌាម្នាក់ចេះដល់ទៅ៤ភាសាគឺ៖ភាសាអង់គ្លេស ជប៉ុន ថៃ និងភាសាបារាំង កម្រិតអាចប្រើការបាន។ នោះ គឺលោក រឿន ពិសិដ្ឋ ជាអតីតអ្នកគ្រប់គ្រងជើងហោះហើរ (Flight Operation) ក្នុងក្រុមហ៊ុនអាកាសចរណ៍១។ សព្វថ្ងៃលោកកំពុងរស់នៅរាជធានីភ្នំពេញ។ ហេតុផល២យ៉ាងដែលជំរុញចិត្តលោកឲ្យ ចាប់យករបរនេះ ដោយមិនខ្វល់ពីការនិន្ទា៖
១. ស្រលាញ់ការងារសាមញ្ញៗ និងមានពេលវេលាឯកជន
លោក ជាមនុស្សដែលចូលចិត្តសេរីភាពផ្ទាល់ខ្លួនច្រើន មានន័យថា ចង់សម្រាក គឺសម្រាកបាន។ ដូច្នេះបើ ធ្វើការឲ្យគេគឺ ពិបាកណាស់ព្រោះដាច់ខាតយើងត្រូវគោរពតាមគោលការណ៍ស្ថាប័នគេ។ លោករឿន ពិសិដ្ឋ បានសម្រេចចិត្តប្ដូរការងារពីក្នុងការិយាល័យមានម៉ាស៊ីនត្រជាក់ល្ហឹម មានតំណែង និងចំណូលច្រើនគួរសមសឹងមិនគួរឲ្យជឿ ហើយលោកងាកមកចាប់របរថ្មីហាលក្ដៅហាលខ្យល់។ ដំបូងឡើយ លោកមានភាពអៀនខ្មាស និងទទួលបានការរើសអើងពីមិត្តភក្ដិខ្លះដែរ តែលោកព្យាយាមជម្នះស្របពេលមានបញ្ហាផ្ទាល់ខ្លួនផ្សេងទៀត។
លោក រឿន ពិសិដ្ឋ
២. ចង់ មានជំនួញដែលខ្លួនស្រលាញ់ដោយចាប់ផ្ដើមពីការងារតូចតាច
ជាមនុស្សដែល ស្រលាញ់អ្វីៗសាមញ្ញស្រាប់ បូកផ្សំនឹងទេពកោសល្យពីធម្មជាតិ គឺរួសរាយរាក់ទាក់ និងចេះភាសាបរទេសច្រើនផង អនាគតលោកចង់បើកក្រុមហ៊ុនទេសចរណ៍មួយ។ លោក រឿនពិសិដ្ឋ ចង់មានកន្លែងការងារគ្រប់គ្រងខ្លួនឯង និងដើម្បីជួយផ្ដល់ការងារដល់អ្នកដទៃទៀតផងដែរ។ លោកធ្លាប់មានបទពិសោធការងារផ្នែកទេសចរណ៍នៅខេត្តសៀមរាបប្រមាណ១០ឆ្នាំមុន តែមិនទទួលជោគជ័យ។ បរាជ័យការងារមែនតែកាលនោះមានភ្ញៀវទេសចរណ៍បរទេសចម្រុះជាតិសាសន៍ ស្រលាញ់រាប់អានច្រើន។ លោក ពិសិដ្ឋ រំលឹក ថាមានភ្ញៀវខ្លះធ្លាប់បានជូនប្រាក់លើកទឹកចិត្តលោកចន្លោះពី៣០០ដុល្លារ រហូតដល់១០០ដុល្លារក៏មាន ពេលនាំភ្ញៀវដើរកម្សាន្តម្ដងៗ។
លោក រឿន ពិសិដ្ឋ ជាអតីតអ្នកបម្រើការងារ ផ្នែកគ្រប់គ្រងជើងហោះហើរ (Flight Operation) និងធ្លាប់ បានចូលរួមសិក្សាវគ្គ បណ្ដុះបណ្ដាល ខ្លី១ផ្នែកនេះនៅ ប្រទេសសិង្ហបុរី កាលពីចន្លោះឆ្នាំ២០១៦៕