មានព័ត៌មាន តារាចម្រៀង G-Dragon ទទួលតំណែងធំក្នុងជួរកងទ័ព?
- 2018-04-05 12:31:23
- ចំនួនមតិ 0 | ចំនួនចែករំលែក 0
មានព័ត៌មាន តារាចម្រៀង G-Dragon ទទួលតំណែងធំក្នុងជួរកងទ័ព?
ចន្លោះមិនឃើញ
ក្រោយពីតារាចម្រៀង G-Dragon បានបញ្ចប់ការហ្វឹកហាត់ជាមូលដ្ឋាន ថ្មីៗនេះមានលេចឮពាក្យចរចាមរ៉ាមថា តារាចម្រៀង G-Dragon ទទួលបានតំណែងធំជាជំនួយការគ្រូបង្វឹកនៅក្នុងក្រុមទី៣ "The White Skull”។
ទាក់ទិននឹងពាក្យចរចាមរ៉ាមខាងលើនេះ ខាងនាយកដ្ឋានរដ្ឋបាលយោធាកូរ៉េបានបកស្រាយថា "កងទ័ពឈ្មោះ Kwon Ji Yong (ឈ្មោះពិតរបស់តារាចម្រៀង G-Dragon) គឺមិនទាន់ត្រូវបានចាត់ឲ្យទៅធ្វើជាជំនួយការគ្រូបង្វឹកអ្វីឡើយ" ។
"បច្ចុប្បន្ន មុខងាររបស់កងទ័ពរូបនេះ (តារាចម្រៀង G-Dragon) គឺនៅជាកងទ័ពយោធាធម្មតានៅក្នុងក្រុមទី៣។" នេះបើការបញ្ជាក់ពីខាងនាយកដ្ឋានរដ្ឋបាលយោធាកូរ៉េ។
ប្រភពដដែលនេះក៏បានឲ្យដឹងបន្ថែមថា "តារាចម្រៀង G-Dragon គឺទើបបញ្ចប់ការហ្វឹកហាត់យោធានៅថ្ងៃនេះ ហើយតារារូបនេះនឹងត្រួវប្ដូរទៅកន្លែងផ្សេង ឬមុខងារផ្សេងនៅថ្ងៃស្អែកនេះ។"
ដូច្នេះនៅពេលបច្ចុប្បន្ននេះ មិនទាន់មានប្រភពច្បាស់ការណ៍ណាមួយអាចបញ្ជាក់ថា តារាចម្រៀង G-Dragon នឹងត្រូវគេចាត់ទៅបំពេញមុខងារអ្វីឡើយ។
សូមបញ្ជាក់ផងដែរថា តារាចម្រៀងក្នុងក្រុម BIG BANG រូបនេះ បានចូលបម្រើកងទ័ពនៅថ្ងៃទី២៧ ខែកុម្ភៈ ហើយតារាសង្ហារូបនេះនឹងបញ្ចប់កាតព្វកិច្ចនៅថ្ងៃទី២៦ ខែវិច្ឆិកា ឆ្នាំ២០១៩៕