ក្រោន ប៉ះណាហ្គាវើល ជាគូពិសេស នៃលីគកំពូលកម្ពុជាសប្ដាហ៍ទី៤

2018-04-06 07:41:49
ចំនួនមតិ 0 | ចំនួនចែករំលែក 0

ចន្លោះមិនឃើញ

ចុងសប្ដាហ៍នេះ ការប្រកួតក្នុងលីគកំពូលកម្ពុជា បានវិលមកវិញហើយ ដោយមានក្រុមខ្លាំងប៉ះក្រុមខ្លាំងផងដែរ តួយ៉ាងដូចជា ក្រុមភ្នំពេញក្រោនប៉ះណាហ្គាវើលជាដើម។

រូបតំណាងការប្រកួត

ភ្នំពេញក្រោនរដូវកាលនេះមិនទាន់រកឃើញពាក្យចាញ់នោះទេ ត្បិតអីពួកគេអាចរក្សាបានមិនឱ្យគូប្រកួតស៊ុតចូលទីរបស់ខ្លួនថែមទៀតផង ឆ្លងកាត់៣ប្រកួតមកនេះ។ ក្រុមនៅចំណាត់ថ្នាក់លេខ៤មួយនេះ មានប្រវត្តិមិនល្អទេ ពេលប៉ះក្រុមណាហ្គាវើល តួយ៉ាងដូចជារដូវកាលមុនទាំងនៅលីគនិង Hun Sen Cup ក្រុមក្រោនមិនអាចយកឈ្នះណាហ្គាវើលបានឡើយ។

ចំណែកឯណាហ្គាវើលវិញ មិនត្រឹមតែមានប្រវត្តិជួបក្រោនល្អនៅរដូវកាលមុនទេ នារដូវកាលនេះពួកគេក៏បង្ហាញទម្រង់លេងល្អដែរ ដោយកំពុងឈរនៅលេខ២ ក្នុងតារាងលីគកំពូលកម្ពុជា ចាញ់ក្រុមកំពូលតារាងបឹងកេត តែ២ពិន្ទុប៉ុណ្ណោះ។ ណាហ្គា និងភ្នំពេញក្រោនមានពិន្ទុ៧ដូចគ្នា ប៉ុន្តែណាហ្គានៅលើក្រោន ដោយសារតែពួកគេមានគ្រាប់បាល់ចំណេញច្រើនជាង។

ចាំមើលថ្ងៃសៅរ៍វេលាម៉ោង៦ល្ងាចនោះវិញ ថាតើក្រុមភ្នំពេញក្រោន អាចស្ដាមុខមាត់នៅកីឡដ្ឋាន RSN របស់ខ្លួនបានឬយ៉ាងណា?