កំណត់ត្រា ៥ មិនងាយនឹងបំបែកឡើយក្នុងប្រវត្តិសាស្ត្របាល់ទាត់
- 2018-04-08 07:38:03
- ចំនួនមតិ 0 | ចំនួនចែករំលែក 0
កំណត់ត្រា ៥ មិនងាយនឹងបំបែកឡើយក្នុងប្រវត្តិសាស្ត្របាល់ទាត់
ចន្លោះមិនឃើញ
កំណត់ត្រាមួយចំនួននៅក្នុងពិភពបាល់ទាត់អាចនឹងត្រូវបំបែកបានក្នុងរយៈពេលខ្លី ប៉ុន្តែកំណត់ត្រាចំនួន៥ខាងក្រោមនេះ ទំនងជាមិនងាយនឹងបំបែកឡើយ ហើយបើចង់បំបែក ប្រហែលជាត្រូវប្រើពេលច្រើនឆ្នាំទៅមុខទៀត៖
៥ គ្រាប់បាល់លឿនបំផុត ១,៨ វិនាទី
Nicklas Bendtner កីឡាកររបស់ Arsenal លេងទល់នឹង Tottenham នៅក្នុងរដូវកាល ២០០៧/០៨ ក្នុងនាមជាកីឡាករបម្រុង ប៉ុន្តែនៅពេលដែល Arsene Wenger ប្តូរចូលទើបបាន ១,៨ វិនាទី ខ្សែប្រយុទ្ធរូបនេះរកបាន១គ្រាប់។
៤ គ្រាប់បាល់ធ្វើបានដោយប្រើក្បាលនៅចម្ងាយឆ្ងាយបំផុត ៥៨,១៣ ម៉ែត្រ
កីឡាករ Jone Samuelsen របស់ក្លឹប Odd Grenland នៅលីគប្រទេសន័រវែស ធ្វើបានគ្រាប់បាល់ដ៏អស្ចារ្យដោយប្រើក្បាលចំងាយប្រមាណ ៥៨,១៣ ម៉ែត្រ តាំងពីបាល់នៅលើសពីកណ្តាលទីលាន តែតទៅលើក្រុម Tromso បន្ទាប់ពីខ្សែការពារ Tromso បាន clear បាល់ជ្រុង។
៣ គ្រាប់បាល់ទាត់បញ្ចូលទីនៅចម្ងាយឆ្ងាយបំផុត ៩១,៩ ម៉ែត្រ
កំណត់ត្រាគ្រាប់បាល់ទាត់បញ្ចូលទីឆ្ងាយបំផុតធ្វើបានដោយអ្នកចាំទីបច្ចុប្បន្នរបស់ Bournemouth កីឡាករ Asmir Begovic អតីតអ្នកចាំទី Stoke City នៅពេលប្រកួតជាមួយនឹង Southampton ជាបាល់ទាត់មួយជើងស្របជាមួយកម្លាំងខ្យល់ តាំងពីបង្គោលទីម្ខាង ហោះផុតដៃអ្នកចាំទី Arthur Boruc ចូលទីមិនគួរឲ្យជឿ។
២ Lionel Messi ទាត់បញ្ចូលទីបានច្រើនបំផុត ៩១ គ្រាប់ក្នុង១រដូវកាល
កាលពីឆ្នាំ ២០១២ Messi ទាត់បញ្ចូលទីច្រើនគ្រាប់បំផុត ៩១ ក្នុងការបង្ហាញខ្លួន ៦៩ ប្រកួត និង បានវ៉ាកំណត់ត្រារបស់ Gerd Muller ដែលធ្វើបាន ៨៥ គ្រាប់។
១ គ្រាប់បាល់ទាត់បញ្ចូលទីច្រើនបំផុតដោយអ្នកចាំទី Rodrigo Ceni ស៊ុតបាន ១៣២ គ្រាប់
Rodrigo Ceni អ្នកចាំទីចូលនិវត្តន៍របស់ក្លឹប Sao Paulo FC របស់ប្រទេសប្រេស៊ីល ទាត់បញ្ចូលទីបាន ១៣២ គ្រាប់ ក្នុងនោះ ៦១ គ្រាប់ជាបាល់ទាត់ដោយសេរី (free-kick) ៧០ គ្រាប់បាល់១១ម៉ែត្រ និង ១ គ្រាប់ទៀតជាបាល់ទៅជួយគាំទ្រខ្សែប្រយុទ្ធ។ Ceni បុរសដែលលេងឲ្យក្លឹបតែមួយរយៈពេល ២៥ ឆ្នាំ រហូតដល់លោកចូលនិវត្តន៍នៅឆ្នាំ ២០១៥។ បង្ហាញខ្លួនបាន ១ ២៣៨ ប្រកួត ជិតស្មើ Pele ដែលបង្ហាញខ្លួន ១៣៦៣ ប្រកួត៕