បឹងកេត លេងមិនសូវបានល្អម្សិលមិញ ក្រោមហេតុផលនេះ?

2018-04-08 07:15:10
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក ហៅ សុជាតិ គ្រូជំនួយក្លឹបបឹងកេតបានអះអាងថា ក្រុមរបស់ខ្លួនបានទុកជើងកីឡាករសំខាន់ៗមួយចំនួនក្នុងជំនួបស្មើ សូលទីឡូអង្គរ ១-១ កាលពីយប់មិញនេះ ដើម្បីត្រៀមលេងពាន AFC Cup នាថ្ងៃទី១១ ខែមេសា ឆ្នាំ២០១៨ ជាមួយក្រុម Ceres–Negros ។

លោក ហៅ សុជាតិ

បឹងកេតទទួលបានត្រឹម ១ ពិន្ទុប៉ុណ្ណោះក្នុងការប្រកួតលីគកំពូលកម្ពុជាសប្ដាហ៍ទី៤ កាលពីម្សិលមិញ។ មូលហេតុនៃការលេងមិនសូវបានល្អនេះត្រូវបានលោក ហៅ សុជាតិ បំភ្លឺថា បឹងកេតទុកជើងកីឡាករសំខាន់ៗ មួយចំនួន ពីព្រោះចង់លេង AFC Cup ឲ្យបានល្អបើទោះដឹងថា អស់ឱកាសឡើងទៅវគ្គបន្តនៃព្រឹត្តិការណ៍នេះក្ដី។

លោកបញ្ជាក់ថា ពិន្ទុលីគជារឿងសំខាន់ ទន្ទឹមគ្នានោះមុខមាត់ប្រទេសក៏ជារឿងសំខាន់មួយដែរ ទើបលោកសម្រេចប្រើកីឡាករយុវជនខ្លះៗ កាលពីម្សិលមិញ។ មួយវិញទៀតលោកក៏ចង់ឲ្យកីឡាករយុវជនរបស់លោកទទួលបានបទពិសោធ ក្នុងការបង្ហាញខ្លួនជាមួយក្រុមធំផងដែរ។

ក្រោយស្មើសូលទីឡូអង្គរ ធ្វើឲ្យបឹងកេតធ្លាក់មកកាន់លេខ ២ ក្នុងតារាងលីគកំពូលបណ្ដោះអាសន្ន ប៉ុន្តែមាន១០ ពិន្ទុស្មើណាហ្គាវើល ដែលឈរលេខ ១ ៕