មូលហេតុនេះ ទើបក្រសួងការពារជាតិ ស៊ុត វេស្ទើន មិនប្រណី ៨គ្រាប់
- 2018-04-09 04:05:43
- ចំនួនមតិ 0 | ចំនួនចែករំលែក 0
មូលហេតុនេះ ទើបក្រសួងការពារជាតិ ស៊ុត វេស្ទើន មិនប្រណី ៨គ្រាប់
ចន្លោះមិនឃើញ
ក្នុងលីគកំពូលកម្ពុជាសប្ដាហ៍ទី៤នេះ ក្រុមក្រសួងការពារជាតិធ្វើបានល្អមែនទែន ដោយអាចយកឈ្នះលើក្រុមវេស្ទើន ក្នុងលទ្ធផល ៨-០ ឯណោះ។
ការស៊ុតមិនប្រណីនេះដែរ ត្រូវបានលោក ភា សុភក្ត្រា គ្រូបង្វឹកក្រុមក្រសួងការពារជាតិបានអះអាងថា ដោយសារតែកត្តារូបមន្តគិតផលសងគ្រាប់បាល់ ដូច្នេះហើយឱ្យតែមានឱកាសគឺព្យាយាមរកគ្រាប់បាល់ឱ្យបានច្រើនបំផុត។ មួយវិញទៀត ដោយសារតែប្រព័ន្ធការពាររបស់វេស្ទើន ប្រហោងផង ទើបបានជាទ័ពមានឱកាសរកគ្រាប់បាល់បានច្រើនដូច្នេះ និងអាចរក្សាសំណាញ់ទីមិនឱ្យធ្លាយបានថែមទៀត។
មួយវិញទៀត ក្រសួងការពារជាតិក៏ទទួលបានកីឡាករថ្មីម្នាក់ផងដែរ ជំនួសតំណែងកីឡាករលេខ៩ ខ្សែប្រយុទ្ធ Na Hyo Sung លេងមិនសូវបានល្អប៉ុន្មានប្រកួតមកនេះ។ កីឡាករថ្មី ពាក់អាវលេខ១០ ឈ្មោះថា Song Chihoon នេះ មានសមត្ថភាព ត្បិតតែទើបចូលហ្វឹកហាត់ជាមួយក្រុមបាន១សប្ដាហ៍ក៏ដោយ។
ក្រោយពីឈ្នះបាន៣ពិន្ទុបន្ថែម ក្រសួងការពារជាតិមាន៩ពិន្ទុ ឆ្លងកាត់៤ប្រកួត ឈរនៅចំណាត់ថ្នាក់លេខ៣ក្នុងតារាងលីគកំពូលកម្ពុជា ដោយចាញ់ក្រុមកំពូលតារាងតែ១ពិន្ទុប៉ុណ្ណោះ៕