រឿង «វិបល្លាស» ត្រូវបានអ្នក Review ភាពយន្តថា ហាមក្មេងៗអាយុក្រោម ១៨ឆ្នាំទៅមើល

2018-04-09 10:41:22
ចំនួនមតិ 0 | ចំនួនចែករំលែក 0

ចន្លោះមិនឃើញ

ភាពយន្តថ្មីមួយទៀតរបស់ផលិតកម្ម Cometogetherfilm ចំណងជើងថា «វិបល្លាស» ដែលសំដៅលើជំងឺម្យ៉ាងទាក់ទងនឹងផ្លូវចិត្ត ត្រៀមចេញផ្សាយលើរោងភាពយន្តបន្ទាប់ពីបុណ្យចូលឆ្នាំហើយ តែអ្នក review ភាពយន្តហាមមិនឱ្យយុវវ័យអាយុក្រោម ១៨ ឆ្នាំចូលមើលទេ។

ឈុតមួយក្នុងរឿង «វិបល្លាស»

ត្រង់ឈុតអាក្រាតកាយ ល្វែងខ្លួនខាងលើរបស់តួស្រីសម្ដែងនេះហើយ ទើបអ្នក Review ភាពយន្ត មួយបង្ហោះជា វីដេអូថា រឿងនេះយុវវ័យអាយុក្រោម ១៨ឆ្នាំមិនគួរមើលឡើយ ព្រោះវាមានឈុតស្នេហាប្រុសស្រីមួយចំនួនដែលក្មេងៗមិនគួរទៅទស្សនា។

ឈុតមួយពីរឿង «វិបល្លាស»

តួឯកស្រី សម្តែងដោយ វីនិច្ច វីរៈ

តួឯកប្រុស ជី រតនា

ភាពយន្តនេះ ខាងក្រសួង វប្បធម៌ និងវិចិត្រសិល្បៈ មិនបានហាមប្រាម ឬដាក់កម្រិតអាយុនោះទេ ដែលមានន័យថា យុវវ័យគ្រប់អាយុ មានសិទ្ធិទៅទស្សនាតាមសប្បាយ។ គួរបញ្ជាក់ផងដែរថា ភាពយន្ត ថ្មីមួយនេះ សម្ដែងដោយ កញ្ញា វីនិច្ច វីរៈ លោក ជី រតនៈ និងមានតារាសម្ដែងល្បីៗ ដូចជា កញ្ញា ហង្ស ម៉ារីនី លោក ផល ពៅវីរ័ត្ន កញ្ញា ឡោម លក្ខិណា និងតារាកិត្តិយសជាច្រើនរូបទៀត។

កញ្ញា ហង្ស ម៉ារីនី

លោក ផល ពៅវីរ័ត្ន

កញ្ញា ឡោម លក្ខិណា

អ្នកដឹកនាំរឿង លោក សាង ច័ន្ទវិសាល

«វិបល្លាស» ជាភាពយន្តស្នេហាបែបយុវវ័យ មានរស់និយមបរទេស និងជាភាពយន្ត មនោគតិ ឬហៅថា Art House ដែលអ្នកទស្សនាខ្លះចូលទៅមើលនឹងមានអារម្មណថាដូចដឹកគោមើលទូរទស្សន៍។ រឿងនេះ ដឹកនាំសម្ដែងដោយ លោក សាង ច័ន្ទវិសាល ជយលាភីភាពយន្តខ្លីឆ្នើមរបស់មហោស្រពភាពយន្តជាតិ ដែលភាពយន្តខ្លីនោះមានចំណងជើងថា «២០ ដុល្លារ»៕