Angelina Jolie សរសើរម្ចាស់ក្សត្រី Elizabeth មិនដាច់ពីមាត់

2018-04-10 09:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែង Angelina Jolie បានបង្ហាញពីដំណើរផ្សងព្រេងថ្មីមួយរបស់នាង នៅក្នុងវីដេអូឯកសារ ដោយមានការចូលរួមពីម្ចាស់ក្សត្រី Elizabeth របស់ចក្រភពអង់គ្លេស វ័យ៩១ឆ្នាំ។

Angelina Jolie និងម្ចាស់ក្សត្រី Elizabeth

នៅក្នុងកម្មវិធីរបស់ប៉ុស្តិ៍ទូរទស្សន៍ ITV “The Queen's Green Planet” បានបង្ហាញពី Jolie ធ្វើទស្សនកិច្ចនៅប្រទេស Namibia ជាមួយកូនៗទាំង៦របស់នាង ដើម្បីកិច្ចការអភិរក្សព្រៃនៅទ្វីបអាហ្វ្រិក។

Angie បាននិយាយនៅក្នុងវីដេអូឯកសារនោះថា "សម្រាប់ពួកយើងការត្រលប់មកទីនេះ និងអាចនិយាយប្រាប់ទៅក្មេងៗថា វាពិតជាសំខាន់ណាស់ដែលយើងត្រូវតែដាំដើមឈើ វាគឺពិតជាល្អខ្លាំងណាស់។ ម្យ៉ាងវិញទៀត នេះក៏ជាសារដ៏ធំមួយដែលខ្ញុំអាចប្រាប់ទៅដល់កូនៗខ្ញុំ ហើយក៏ជាអ្វីដែលសំខាន់បំផុតដែលខ្ញុំបានរៀនពីម្ចាស់ក្សត្រីនិងពី សាររបស់នាងផងដែរ។"

វីដេអូឯកសារនេះនឹងដាក់បញ្ចាំងនៅលើប៉ុស្តិ៍ទូរទស្សន៍នៅថ្ងៃទី ១៦ខែមេសានេះ។ គូសបញ្ជាក់ដែរថា អ្នកទាំងពីរបានជួបគ្នាកាលពីឆ្នាំ ២០១៤ នៅពេលដែល Jolie បានទទួលពានពី ម្ចាស់ក្សត្រី Elizabeth នៅក្នុងរាជវាំង Buckingham Palace សម្រាប់កិច្ចការរបស់នាង ចំពោះសេវាកម្មគោលការណ៍នយោបាយរបស់ចក្រភពអង់គ្លេស និងបេសកកម្មដើម្បីកម្ចាត់អំពើហិង្សាផ្លូវភេទនៅទីតាំងសង្គ្រាម។

ដូច្នេះចំពោះកិច្ចការដែលនាងបានសហការធ្វើជាមួយម្ចាស់ក្សត្រី គឺពិតជាមានសារៈសំខាន់និងចាំបាច់ចំពោះប្រជាជនដែលរស់នៅទីនោះ៕

អត្ថបទ៖

ប្រភព៖ People ប្រែសម្រួល៖ ធារ៉ូ