ចម្លែកមែន! ក្រុមអ៊ីតាលីមួយនេះមានកីឡាករពាក់អាវខុសគ្នា

2018-04-10 11:07:24
ចំនួនមតិ 0 | ចំនួនចែករំលែក 0

ចន្លោះមិនឃើញ

លោកអ្នកតែងឃើញ កីឡាករក្នុងក្លឹបតែមួយច្រើនពាក់អាវដូចៗគ្នា ក្នុងការប្រកួតបាល់ទាត់ផ្លូវការ។ ទោះជាយ៉ាងណា មានក្លឹបមួយនៅអ៊ីតាលីមិនបានដូចនេះទេ កាលពីប្រកួតថ្មីៗនេះ។

កីឡាកររបស់ក្លឹប Udinese បានពាក់ឈុតខុសគ្នា ក្នុងការប្រកួតលីគកំពូលអ៊ីតាលីពេលប៉ះជាមួយ Lazio កាលពីចុងសប្ដាហ៍កន្លងទៅ។

ការណ៍នេះ ធ្វើឡើងដើម្បីដាក់ដេញថ្លៃអាវខុសៗគ្នាទាំងនោះ ទុកសម្រាប់បរិច្ចាគក្នុងកម្មវិធីសប្បុរសធម៌មួយ។

បណ្ដាអាវដែលកីឡាករ Udinese បានពាក់ក្នុងអំឡុងប្រកួតនោះ សុទ្ធតែជាម៉ូតអាវចាស់ៗរបស់ក្លឹប តាំងពីរដូវកាល ១៩៩៣/៩៤ មក។ ទោះជាយ៉ាងនេះក្ដី ឆ្នូតស និងខ្មៅនៅចំកណ្ដាលអាវ គឺជាចំណុចដូចគ្នានៃអាវទាំងនោះ ដែលជាហេតុធ្វើឲ្យមើលពីចម្ងាយហាក់មានសភាពដូចគ្នា។

ឈុត Udinese រដូវកាល ២០១៧/១៨

អាវខុសៗគ្នាដែលកីឡាករ Udinese បានពាក់ និងលទ្ធផលនៃការដេញថ្លៃ

សូមបញ្ជាក់ផងដែរ Udinese បានប្រកួតជាមួយ Lazio កាលពីថ្ងៃអាទិត្យកន្លងទៅ ហើយបានចាញ់ក្នុងលទ្ធផល ១ ទល់នឹង ២។ បរាជ័យនេះធ្វើឲ្យក្លឹបឈរលេខ ១៣ មាន ៦ពិន្ទុឃ្លាតពីតំបន់កាត់ចោល៕

ប្រភព៖ Four Four Two ប្រែសម្រួល៖ ហ៊ីម រស្មី