ព្រឹកនេះ សំនៀង និង ផល្គុនប៉ះទួរមេនីស្ថានដែលធ្លាប់បានបំបាក់ពីរដងហើយ
- 2014-09-20 16:52:36
- ចំនួនមតិ 0 | ចំនួនចែករំលែក 0
ព្រឹកនេះ សំនៀង និង ផល្គុនប៉ះទួរមេនីស្ថានដែលធ្លាប់បានបំបាក់ពីរដងហើយ
ចន្លោះមិនឃើញ
វេលាម៉ោង១០កន្លះព្រឹកថ្ងៃសៅរ៍នេះ កីឡាករវាយកូនបាល់ជម្រើសជាតិកម្ពុជា ឡុង សំនៀន និង ម៉ម ផល្គុន នឹងចាប់ផ្តើមការប្រកួតលើកដំបូងរបស់ខ្លួនក្នុងព្រឹត្តិការណ៍កីឡាអាស៊ី Asian Games លើកទី១៧ នៅទីក្រុង Inchoen ប្រទេសកូរ៉េខាងត្បូង។
តាមការឲ្យដឹងពីប្រភពNOCC ថា កីឡាករកម្ពុជាទាំងពីរនាក់នេះនឹងប៉ះជម្រើសជាតិទួរមេនីស្ថានដែលក្រុមកម្ពុជាធ្លាប់បានបំបាក់ពីរដងហើយសម្រាប់ព្រឹត្តិការណ៍ Davis Cup ឆ្នាំ២០១៣ និង២០១៤។
កីឡាករកម្ពុជាទាំង៣នាក់កំពុងហ្វឹកហាត់
គ្រូបង្វឹកជម្រើសជាតិលោក Braen Anaeiros លើកឡើងថា ៖«នេះជាព្រឹត្តិការណ៍ Asian Games មិនងាយដូចលើកមុនទេ ពិតណាស់យើងបានបំបាក់គេពីរដងហើយ តែយើងមិនគិតថា ពួកគេដូចលើកមុនទេ តែយើងសង្ឃឹមថា យើងទទួលបានជ័យជម្នះការប្រកួតនេះ»។
ឡុង សំនៀងត្រូវបើកការប្រកួតវេលាម៉ោង១០កន្លះព្រឹកនេះ ហើយបន្ទាប់មក ម៉ម ផល្គុននឹងប្រកួតបន្ត។ ពួកគេទាំងពីរនាក់នឹងចាប់ដៃគ្នាប្រកួតក្នុងវិញ្ញាសាគូបុរសបន្ទាប់ទៀត។
សម្រាប់កីឡាវាយកូនបាល់ កម្ពុជាបានបញ្ជូនអត្តពលិករបស់ខ្លួនតែ៣នាក់ប៉ុណ្ណោះគឺ ឡុង សំនៀន ម៉ម ផល្គុន និងកីឡាការិនីខ្មែរ-បារាំង Andrea Ka៕
អត្ថបទ៖ ជាន ចាន់រ៉ា