គ្រូបឹងកេត៖ ល្ងាចនេះធ្វើយ៉ាងណាកុំឲ្យចាញ់ច្រើនគ្រាប់ដូចជើងទី១
- 2018-04-11 03:38:44
- ចំនួនមតិ 0 | ចំនួនចែករំលែក 0
គ្រូបឹងកេត៖ ល្ងាចនេះធ្វើយ៉ាងណាកុំឲ្យចាញ់ច្រើនគ្រាប់ដូចជើងទី១
ចន្លោះមិនឃើញ
លោក កែវ កុសល គ្រូបង្វឹកបឹងកេតបានអះអាងថា Ceres–Negros ដែលត្រូវប៉ះគ្នាម៉ោង ៦:៣០ ល្ងាចនេះគឺល្អជាងក្រុមរបស់ខ្លួនសឹងគ្រប់ចំណុច សម្រាប់ការប្រកួតជើងទី២ នៃព្រឹត្តិការណ៍ AFC Cup 2018 វគ្គសន្សំពិន្ទុតាមពូល F នៅពហុកីឡដ្ឋានជាតិ។
គ្រូបង្វឹកខាងលើបានឲ្យដឹងថា ចំណុចល្អរបស់ Ceres–Negros គឺមាន សមត្ថភាពកីឡាករម្នាក់ៗល្អ មានបច្ចេកទេសបោះបាល់ឲ្យគ្នាច្បាស់ បម្លាស់ទីលឿន កាយសម្បទា ព្រមទាំងកម្លាំង។ សម្រាប់ការប្រកួតល្ងាចនេះក្ដីរំពឹងរបស់លោកគឺធ្វើយ៉ាងឲ្យបានល្អជាងការប្រកួតលើកទី១ ដែលចាញ់ ៩ គ្រាប់មកចាញ់តិចគ្រាប់ ឬអាចស្មើ និងឈ្នះការប្រកួតកាន់តែប្រសើរ។
បើមើលទៅលើពិន្ទុបឹងកេតស្ទើរអស់ឱកាសឡើងទៅវគ្គបន្តទៅហើយ ពោលគឺក្រុមរបស់កម្ពុជាមួយនេះទើបទទួលបាន ៣ ពិន្ទុប៉ុណ្ណោះខណៈ Ceres–Negros មាន ១០ ពិន្ទុស្ថិតនៅលេខ ១ ស្របពេលក្រុមលេខ២គឺ Home United មាន ៧ ពិន្ទុ។ ដូច្នេះមានន័យថា បើសិនបឹងកេតចាញ់ឬស្មើល្ងាចនេះគឺអស់ឱកាសឡើងទៅវគ្គបន្ត ដំណាលគ្នានោះបើសិន Home United ឈ្នះការប្រកួតល្ងាចនេះទៅលើក្រុម Shan United នោះគឺបឹងកេតក៏អស់ឱកាសដូចគ្នា បើទោះបឹងកេតឈ្នះការប្រកួតល្ងាចនេះក៏ដោយ៕