ឮតែគេថា ទេវតាឆ្នាំនេះ សោយសាច់ទ្រាយ តិចអត់ដឹងគេសំដៅលើសាច់អី

2018-04-11 05:00:55
ចំនួនមតិ 0 | ចំនួនចែករំលែក 0

ចន្លោះមិនឃើញ

សល់តែប៉ុន្មានថ្ងៃទៀត ពិធីបុណ្យចូលឆ្នាំថ្មី ប្រពៃណីជាតិ នឹងចូលមកដល់ ដោយប្រជាជនខ្មែរ តែងរៀបចំដង្វាយ ថ្វាយដល់ទេវតាឆ្នាំថ្មី ហើយឆ្នាំនេះ មួយក្នុងចំណោមរបស់របរជាច្រើនដែលត្រូវរៀបចំនោះ គឺសាច់ទ្រាយ។

តាមលោក ភក្ដី ជាអាចារ្យវេលា បាននិយាយថា៖ "សាច់ទ្រាយនេះ គឺសាច់ឈ្លូស ហើយចំពោះការសែនវិញ យើងគប្បីសែនឆ្អិនទៅ"។

លោកអាចារ្យខាងលើបានបន្ថែមថា បើទោះបីនេះជាអ្វីដែលបានចារមកក្នុងសៀវភៅក៏ពិតមែន តែសម័យបច្ចុប្បន្ននេះ កំពុងតែហាមឃាត់ការសម្លាប់សត្វព្រៃ ម្យ៉ាងកម្ពុជាជាប្រទេសកាន់សាសនាព្រះពុទ្ធ ដែលមិនគប្បីក្នុងការសម្លាប់សត្វនោះឡើយ ជាហេតុលោកណែនាំឲ្យសែនផ្កា និងផ្លែឈើផ្សេងៗជំនួសសាច់វិញ។

តាមមហាសង្ក្រាន្ត ទេវតាឆ្នាំថ្មី ឆ្នាំចនេះ សង្ក្រាន្តនឹងចូលមកដល់នៅថ្ងៃសៅរ៍ ១៤រោច ខែចែត្រ ត្រូវនឹងទី១៤ មេសា វេលាម៉ោង ៩:១២ នាទីព្រឹក។ ទេវតាឆ្នាំថ្មីនេះ ព្រះនាមមហោធរៈទេវី បុត្រីទី ៧ នៃកបិលមហាព្រហ្ម ទ្រង់អម្ពរពណ៌ខៀវ មានផ្កាត្រកៀត សៀតនៅព្រះកាណ៌ សោយ សាច់ទ្រាយ ជាភក្សាហារ ព្រះហស្តស្កាំកាន់កងចក្រ ព្រះហស្តឆ្វេងកាន់ត្រីសូល៍ គង់លើមយូរា ឬស្ដេចក្ងោក ជាពាហនៈ។

តោះចង់ដឹងច្បាស់ពីរឿងផ្សេងៗទាក់ទងនឹងពិធីបុណ្យចូលឆ្នាំថ្មីនេះ មើលវីដេអូខាងក្រោម៖

អត្ថបទ៖ វិទូ