ព្រោះរឿងស័ក្ដិ៤ អាជ្ញាកណ្ដាល ឃឹម សុជាតិ ចាញ់បោកគេអស់ជាង ១ពាន់ដុល្លារ

2018-04-12 08:19:45
ចំនួនមតិ 0 | ចំនួនចែករំលែក 0

ចន្លោះមិនឃើញ

លោកអាជ្ញាកណ្ដាលប្រដាល់គុនខ្មែរប្រចាំនៅសង្វៀនបាយ័ន ឃឹម សុជាតិ បានចាញ់បោកប្រាក់គេអស់សរុបជាង ១ពាន់ដុល្លារ នេះបើតាមការលើកឡើងតាមវិដេអូឡាយ (TVFB) ក្នុងប៉ុស្តិ៍នគរបាលខណ្ឌឬស្សីកែវ មុននេះ។ អាជ្ញាកណ្ដាលរហស្សនាមមាឌល្អិតរូបតែរហ័សរូបនេះ បញ្ជាក់ថា មាននារីជាជនឆបោកម្នាក់បានក្លែងបន្លំឈ្មោះលោកជំទាវ ហ៊ុន ស៊ីណាត មកបោកប្រាស់ថាជួយជនក្រីក្រដូចជារូបលោក។ ក្នុងនោះជនឆបោកខាងលើ សន្យាថានឹងជួយឲ្យក្របខណ្ឌរដ្ឋ(ទាហានស័ក្ដិ៤) សន្យាឲ្យផ្ទះ សន្យាផ្ទេរដី២កន្លែង ប៉ុន្តែធាតុពិតប្រាស់ និងបញ្ចុះបញ្ចូលឲ្យលោកផ្ញើលុយទៅឲ្យប៉ុណ្ណោះ។

រំលឹកដែរថាលោក ឃឹម សុជាតិ ជាអាជ្ញាកណ្ដាលប្រដាល់គុនខ្មែរ ប្រចាំនៅសង្វៀនបាយ័ន ហើយនៅពេលមានការប្រកួតធំៗនៅកម្ពុជា ឬព្រឹត្តិការណ៍ប្រកួតថ្នាក់ជាតិផ្សេងៗ តែងតែឃើញវត្តមានលោកជានិច្ច អាចថាជាអាជ្ញាកណ្ដាលជួរពេលបច្ចុប្បន្នផងដែរ៕