កុំឲ្យចាញ់ចិត្ត iPhone X មើលគំរូរាង ZTE ម៉ូឌែលថ្មី លេងស្នាមឆកទាំងលើទាំងក្រោម
- 2018-04-20 03:52:06
- ចំនួនមតិ 0 | ចំនួនចែករំលែក 0
កុំឲ្យចាញ់ចិត្ត iPhone X មើលគំរូរាង ZTE ម៉ូឌែលថ្មី លេងស្នាមឆកទាំងលើទាំងក្រោម
ចន្លោះមិនឃើញ
កំណែកូដថ្មីនៃស្មាតហ្វូនជំនាន់ក្រោយរបស់ ZTE ត្រូវបានគេទម្លាយចេញក្រោមឈ្មោះ Iceberg ដោយមានលក្ខណៈពិសេសការប្រើប្រាស់ស្នាមឆកកណ្តាលទាំងផ្នែកខាងលើនិងក្រោមអេក្រង់។ តាមការសង្កេតឃើញភាពពេញនិយមចេញពី iPhone X ក៏ជំរុញឲ្យក្រុមហ៊ុនប្រទេសចិនមួយនេះ បន្ថែមភាពច្នៃប្រឌិតកាន់តែប្លែកមួយកម្រិតទៀត។
ប្រភពមួយបានឲ្យដឹងថាស្នាមឆកទាំងពីរជាប់លើអេក្រង់គឺទីតាំងផ្ទុកនូវរន្ធបញ្ចេញសំឡេង (Speaker) ដែលត្រូវប៉ាន់សម្រាប់អ្នកចូលចិត្តស្តាប់តន្រ្តីឬលេងហ្គេមដោយមិនប្រើកាស។ ជាមួយគ្នានឹងរន្ធ Earpice (និយាយពេលខលចេញចូល) និងគ្រាប់ Sensor នៃកាមេរ៉ាមុខយ៉ាងស្រស់ស្អាត។ ក្រឡេកទៅការរចនាតួម៉ាស៊ីនក្រោយ អមទ្រនាប់ស្កេនខ្ចៅដៃ ជាមួយគ្រាប់កាមេរ៉ាភ្លោះ ល្ហិចល្ហៀងបន្ថែមបច្ចេកវិទ្យាសាកថ្មឥតខ្សែទៀតផង។
ចំពោះការបង្ហាញខ្លួនពុំត្រូវបានគេបង្ហើប តែត្រឹមដឹងថាមានរយៈពេលយូរអង្វែងទៀត ដោយម៉ូឌែលនេះនឹងមានលក់ក្នុងទីផ្សារអាស៊ី, អឺរ៉ុប ក៏ដូចជាអាមេរិកខាងជើងដែលជាគោលដៅធំបំផុតរបស់ក្រុមហ៊ុន។
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ:
DirexPlay បង្កើតកម្មវិធីកាតជូនពរមួយយ៉ាងឡូយ អបអរចូលឆ្នាំខ្មែរ!
ឃើញវីដេអូ Review ឡាន SUV ៥កៅអីនេះហើយ អាចបាក់ចិត្តស្រឹបហ្មង