ពេទ្យធ្មេញល្បីឈ្មោះមួយជប់លៀងគម្រប់ ១៩ឆ្នាំ ជាមួយការបញ្ចុះតម្លៃ ៥០%

2018-04-12 10:06:35
ចំនួនមតិ 0 | ចំនួនចែករំលែក 0

ចន្លោះមិនឃើញ

មន្ទីរព្យាបាលធ្មេញ បស្ចិម បានជួបជុំបុគ្គលិកទាំងអស់ ដើម្បីជប់លៀងអបអរខួបលើកទី ១៩ឆ្នាំ និងឱកាសឆ្នាំថ្មីប្រពៃណីជាតិ កាលពីម្សិលមិញនេះ នៅសាខាផ្លូវកម្ពុជាក្រោម។

លោក ទេព ណាវី តំណាងក្រុមប្រឹក្សាភិបាលមន្ទីរព្យាបាលធ្មេញ បស្ចិម បាននិយាយថា បស្ចិម បានចាប់ផ្ដើមតាំងពីឆ្នាំ ១៩៩៩ ពីកន្លែងព្យាបាលធ្មេញតូចមួយ ហើយពង្រីកមកដល់សព្វថ្ងៃ ដោយមានកៅអីព្យាបាលធ្មេញរហូតដល់៥០ និងមានទីតាំងធំៗ ៤ នៅភ្នំពេញ និងសៀមរាប។

ក្នុងឱកាសគម្រប់ ១៩ឆ្នាំនេះ នឹងផ្ដល់ជូនពិសេស ដោយពិនិត្យសុខភាពមាត់ធ្មេញ ពិគ្រោះយោបល់ឥតគិតថ្លៃ និងបញ្ចុះតម្លៃ ៥០%សម្រាប់ការសម្អាតធ្មេញ ចាប់ពីថ្ងៃ១-៣០ មេសា នៅគ្រប់សាខាទាំងអស់។

ពេទ្យធ្មេញមួយនេះ មានបុគ្គលិកបំពេញការងារ ១៦០នាក់ និងទន្តបណ្ឌិតខ្មែរ បរទេស ៣៥នាក់ ហើយក៏ត្រូវទទួលស្គាល់គុណភាពលំដាប់អន្តរជាតិ ISO 9001-2008 ពីចក្រភពអង់គ្លេសកាលពីឆ្នាំ ២០១១ ផងដែរ។

មន្ទីរព្យាបាលធ្មេញ បស្ចិម មាន ៤ទីតាំង សាខានៅបណ្ដោយផ្លូវនរោត្តម ជិតវិមានឯករាជ្យ សាខាជិតផ្សារទំនើបសូរិយា និងសាខានៅបណ្ដោយផ្លូវកម្ពុជាក្រោម និងមួយសាខាទៀត នៅទីរួមខេត្តសៀមរាប។ ព័ត៌មានបន្ថែម ទាក់ទងលេខ ០១៧ ៣០០ ៣០០ / ០៧០ ៣០០ ៨០០ ឬវិបសាយ www.pachemdental.com និងផេកហ្វេសបុក Pachem Dental Clinic ៕