សាហាវ! សម្លាប់គ្នាហើយ ឆ្លៀតអញ្ជើញម្ចាស់ឲ្យមកហូបសាច់គ្នាទៀត

2018-04-13 03:55:56
ចំនួនមតិ 0 | ចំនួនចែករំលែក 0

ចន្លោះមិនឃើញ

បុរសម្នាក់ បានសម្លាប់ឆ្កែអ្នកជិតខាងខ្លួន រួចយកទៅធ្វើម្ហូប ហើយអញ្ជើញម្ចាស់ឲ្យទទួលទាន។

បើតាមសម្ដីប៉ូលិស កសិករមានឈ្មោះមិនត្រូវបានទម្លាយម្នាក់វ័យ ៦២ឆ្នាំ បានសារភាពថា ដោយសារខឹងនឹងសំឡេងព្រុសពេក ខ្លួនក៏បានដុំថ្មទៅគប់ឆ្កែអ្នកជិតខាងរបស់ខ្លួន។ គប់រួច ឆ្កែក៏សន្លប់ បន្ទាប់មកបុរសដៃដល់រូបនេះ ក៏រឹតកវាបន្ថែមដើម្បីសម្លាប់ រួចយកទៅធ្វើម្ហូប។ មិនតែប៉ុណ្ណោះ បុរសរូបនេះ ថែមទាំងហៅបណ្ដាអ្នកជិតខាង រួមទាំងបុរសជាម្ចាស់ផង មកទទួលសាច់ឆ្កែនោះទៀតផង។

ដោយឡែក យោងតាមសម្ដីកូនស្រីបុរសម្ចាស់ឆ្កែនោះ បានឲ្យដឹងថា ក្នុងសប្ដាហ៍នេះ មុនពេលជនដៃដល់សារភាព នាងបានដើរបិទខិត្តប័ណ្ណអំពីដំណឹងបាត់ឆ្កែ និងបានសួរនាំគេឯងនៅក្នុងក្រុងដែលនាងរស់នៅ ទោះជាយ៉ាងណានៅតែមិនឃើញ។

នៅពេលនោះ បុរសជាជនដៃដល់ដែលរស់នៅជិតនោះ បានចេញមកធ្វើជានិយាយបង្ហាញពីការអាណិតអាសូរក្រោយបានឮដំណឹងមួយនេះ ហើយថែមទាំងសន្យាថានឹងប្រាប់ទៅនាងវិញ បើសិនជាខ្លួនប្រទះឃើញឆ្កែនោះ។ ស្រាប់តែថ្ងៃបន្ទាប់ បុរសរូបនោះ បានអញ្ជើញឪពុករបស់នាង និងអ្នកជិតខាងដទៃទៀតមកទទួលម្ហូបសាច់ឆ្កែតែម្ដង។

ទោះជាយ៉ាងណា បើតាមសម្ដីស្ត្រីដដែល បានឲ្យដឹងថា ឪពុកខ្លួនបានបដិសេធការអញ្ជើញនេះ ដោយសារ លោកជាមនុស្សដែលមិនហូបសាច់ឆ្កែ។

ការអញ្ជើញរបស់ជនដៃដល់ គឺមានលក្ខណៈគាប់ជួនពេក រហូតដល់បង្កជាការសង្ស័យ រួចឈានទៅការឃាត់ខ្លួនតែម្ដង។

រហូតមកទល់ពេលនេះ វាសនារបស់ជនដៃដល់រូបនេះមិនទាន់ត្រូវបានដឹងនៅឡើយទេ។ បើតាមច្បាប់ថ្មីនៅកូរ៉េខាងត្បូង ជនណាដែលរំលោភបំពានសត្វដោយខុសច្បាប់អាចមានទោសជាប់ពន្ធនាគារចំនួន ២ ឆ្នាំ និងពិន័យជាប្រាក់ ១៨៧០០ ដុល្លារសហរដ្ឋអាមេរិក។

សូមបញ្ជាក់ផងដែរថា កាលពីដើម ឆ្កែគឺជាសាច់ដែលត្រូវបានពេញនិយមទទួលទាននៅកូរ៉េខាងត្បូង។ ទោះជាយ៉ាងណា អត្រានៃការបរិភោគសាច់នេះ បានធ្លាក់ចុះនៅមួយរយៈចុងក្រោយ ដោយសារពលរដ្ឋវ័យក្មេងនៅប្រទេសមួយនេះបានចាប់ផ្ដើមបដិសេធក្នុងការទទួលទាន។

យ៉ាងនេះក្ដី ហោចណាស់ ឆ្កែជាង ១លានក្បាលត្រូវបានបរិភោគរាល់ឆ្នាំក្នុងប្រទេសអាស៊ីខាងកើតមួយនេះ៕

ប្រភព៖ South China Morning Post ប្រែសម្រួល៖ ហ៊ីម រស្មី

ពាក្យទាក់ទង

ប្លែក

អត្ថបទពេញនិយម

ខេត្តដែលទទួលបានភ្ញៀវទេសចរច្រើនជាងគេ និងតិចជាងគេបង្អស់ក្នុងឱកាសចូលឆ្នាំខ្មែរ

ចេញហើយ តម្លៃរថយន្ត Toyota Camry 2025 នៅទីផ្សារអាមេរិក! ទាបបំផុត ២ម៉ឺន ៨ពាន់ដុល្លារ

ដោយសារភ្លៀងសិប្បនិម្មិត Cloud Seeding ឬ ទើបធ្វើឱ្យឌូបៃ ជួបប្រទះគ្រោះទឹកជំនន់ធ្ងន់ធ្ងរបំផុត?

លក្ខខណ្ឌទាំងនេះ ត្រូវបានអតីតតារាសម្ដែង ម៉ៅ ចំណាន បំពេញគ្រប់ សម្រាប់បេក្ខភាពប្រធានសមាគម

Bayer Leverkusen ឈ្នះពានលីគអាល្លឺម៉ង់ បំបាក់ជើងឯកឆ្នាំចាស់ Bayern Munich

ភ្ញាក់ផ្អើលចំនួនភ្ញៀវទេសចរទៅលេងកំពត អំឡុងចូលឆ្នាំ៤ថ្ងៃ ក្រោយមានរូបសេះសមុទ្របាញ់ទឹក

អត្ថបទថ្មី

ក្លឹបអង់គ្លេសធ្លាក់ចេញពី UCL ទោះជាវគ្គ Final ប្រព្រឹត្តិទៅនៅរាជធានីឡុងដុងក្ដី

មកដឹងកាលបរិច្ឆេទប្រកួត Semi Final កម្មវិធី Champions League

ចូលឆ្នាំថ្មី អតិថិជន ក្រុមហ៊ុន វឌ្ឍនៈ ឈ្នះរង្វាន់ជាច្រើន! ឈ្នះលុយ ឈ្នះមាស ឡាន ម៉ូតូ និងឈ្នះរង្វាន់ធំៗផ្សេងទៀត

Ronaldo ឈ្នះ Juventus រឿងក្ដីក្ដាំពាក់ព័ន្ធរឿងមិនបើកប្រាក់ឈ្នួលរាប់លានដុល្លារ

ប្រាសាទ ដាវីន បង្ហាញជំហរច្បាស់លាស់ ប្រសិនមានឱកាសតំណាងកម្ពុជាលើឆាកអន្តរជាតិម្តងទៀត