ចំណុចគួរដឹងមុនការចាប់ឆ្នោត Europa League ល្ងាចនេះ
- 2018-04-13 06:46:26
- ចំនួនមតិ 0 | ចំនួនចែករំលែក 0
ចំណុចគួរដឹងមុនការចាប់ឆ្នោត Europa League ល្ងាចនេះ
ចន្លោះមិនឃើញ
ការប្រកួត UEFA Europa League វគ្គ៨ក្រុមចុងក្រោយបានបញ្ចប់ទាំងស្រុងត្រឹមយប់មិញ ខណៈក្រុមចំនួន៤នឹងឡើងនៅវគ្គបន្ត។ ខាងក្រោមគឺព័ត៌មានមួយចំនួនដែលប្រិយមិត្តគួរដឹងមុនការចាប់ឆ្នោតល្ងាចថ្ងៃសុក្រនេះ៖
ទីតាំង និងពេលវេលា
ការចាប់ឆ្នោតកម្មវិធី Europa League នឹងធ្វើឡើងនៅទីស្នាក់ការសហព័ន្ធបាល់ទាត់ទ្វីបអឺរ៉ុប UEFA ស្ថិតនៅទីក្រុង Nyon ប្រទេសស្វីសវេលាម៉ោង៦ល្ងាចម៉ោងកម្ពុជាពោលគឺក្រោយការចាប់ឆ្នោត UEFA Champions League។
ក្រុមដែលមានកៅអី
Salzburg (អូទ្រីស) Atletico Madrid (អេស្ប៉ាញ) Arsenal (អង់គ្លេស) និង Marseille (បារាំង)។
លក្ខខណ្ឌនៃការចាប់ឆ្នោត
មិនខុសពីវគ្គ៨ក្រុមទេ វគ្គពាក់កណ្ដាលផ្ដាច់ព្រ័ត្រនេះក្រុមទាំងអស់សុទ្ធតែមានសិទ្ធប៉ះគ្នា ហើយក្រុមដែលចាប់ឈ្មោះបានមុន នឹងលេងជើងទីមួយក្នុងទឹកដី។
មើលការចាប់ឆ្នោត
ប្រិយមិត្តអ្នកគាំទ្រអាចទស្សនាការផ្សាយផ្ទាល់ដោយឥតគិតថ្លៃនៅលើគេហទំព័រ UEFA.Com និងទំព័របណ្ដាញសង្គមផ្លូវការរបស់ UEFA មាន Instagram, Facebook និង Twitter។
កាលបរិច្ឆេទប្រកួត
ការប្រកួតវគ្គ៤ក្រុមចុងក្រោយ Europa League ជើងទីមួយនឹងធ្វើឡើងនៅថ្ងៃទី២៦ ខែមេសា ហើយជើងទីពីរនឹងធ្វើឡើងនៅថ្ងៃ៣ ខែឧសភា ឆ្នាំ២០១៨៕