កម្រឃើញបំផុត! យកឧបករណ៍ប្រើប្រាស់បុរាណខ្មែរ តុបតែងដាច់កន្ទុយភ្នែកផ្អើលភ្ញៀវទេសចរ
- 2018-04-13 08:16:53
- ចំនួនមតិ 0 | ចំនួនចែករំលែក 0
កម្រឃើញបំផុត! យកឧបករណ៍ប្រើប្រាស់បុរាណខ្មែរ តុបតែងដាច់កន្ទុយភ្នែកផ្អើលភ្ញៀវទេសចរ
ចន្លោះមិនឃើញ
មានអ្វីប្លែកសម្រាប់ព្រឹត្តិការណ៍អង្គរសង្ក្រាន្តលើកទី ៦នេះ។ ក្រៅពីរបស់យក្សៗនោះ គេសង្កេញឃើញការតុបតែងលម្អរនៅព្រឹត្តិការណ៍អង្គរសង្ក្រាន្ត កាន់តែប្លែកពីមួយឆ្នាំទៅមួយឆ្នាំ។ ជាក់ស្ដែងនៅមុខប្រសាទអង្គរវត្ត គេឃើញមានការតុបតែង ដោយយកឧបករណ៍ប្រើប្រាស់បុរាណខ្មែរ និង រំលេចដោយទង់ជាតិខ្មែរ អមសងខាងផ្លូវ ដើម្បីស្វាគមន៍អ្នកចូលរួមព្រឹត្តិការណ៍ដ៏ធំនៅពេលនេះ។
លោក ថោ ចាន់រិទ្ធិ អ្នករាយការណ៍ព័ត៌មានរបស់ Sabay បានប្រាប់ឲ្យដឹងថា ក្រុមការងារអង្គរសង្ក្រាន្តបានខិតខំរៀបចំយ៉ាងយកចិត្តទុកដាក់ ដើម្បីតុបតែង ដោយបានយកឧបករណ៍បុរាណ ពីបណ្ដាអ្នកភូមិផង និង ក្រសួងវប្បធម៌ផង។ សម្ភារៈតុបតែងទាំងនោះ ភាគច្រើនធ្វើពីស្លឹកត្នោត និង ឬស្សី។
សូមស្ដាប់សេចក្ដីលម្អិតពី លោក ថោចាន់រិទ្ធិ៖
ចំពោះគោលបំណងនៃការតុបតែងនេះ ចង់បង្ហាញដល់សាធារណជន ជាពិសេសភ្ញៀវទេសចរអន្ដរជាតិ ក៏ដូចជាប្រាប់ពិភពលោកថា ឧបករណ៍ទាំងនេះ គឺប្រជាជនខ្មែរបានប្រើប្រាស់ជាប្រចាំ អស់កាលជាយូរអង្វែងមកហើយ។
ចង់ដឹងថា ការតុបតែងនោះ ស្អាត និងមានសម្ភារៈប្រើប្រាស់អ្វីខ្លះ សូមទស្សនារូបភាពខាងក្រោម៖