ក្នុងប្រកួតEuropa League យប់មិញមានពីរក្លឹប មានវាសនាដូច Barca

2018-04-13 12:13:37
ចំនួនមតិ 0 | ចំនួនចែករំលែក 0

ចន្លោះមិនឃើញ

បើទោះជាឈ្នះ ៤-១ ក្នុងជំនួបជើងទី ១ ក្លឹប Barcelona ត្រូវបានក្លឹបអ៊ីតាលី Roma វាយបកទម្លាក់ក្នុងលទ្ធផល ៣-០ កាលពីប្រកួតជើងទី ២ Champions League វគ្គ ៨ក្រុម កាលពីពេលថ្មីៗនេះ។ ក្រឡេកមើលក្នុងប្រកួត Europa League យប់មិញវិញ ក៏មានពីរក្លឹបដែរ ដែលបានជួបការវាយបកទម្លាក់ បើទោះជាបានឈ្នះកាលពីប្រកួតជើងទី ១ក៏ដោយ។

ក្លឹបទាំងពីរនោះគឺ ក្លឹបអាល្លឺម៉ង់ RB Leipzig និង អ៊ីតាលី Lazio។

កាលពីប្រកួតជើងទី ១ Europa League វគ្គ ៨ក្រុម សប្ដាហ៍មុន ក្លឹប RB Leipzig បានយកឈ្នះក្លឹបបារាំង Marseille ក្នុងលទ្ធផល ១-០។ ទោះជាយ៉ាងណា នៅជំនួបជើងទី ២ ក្លឹបអាល្លឺម៉ង់បានចាញ់ធ្ងន់កក្នុងលទ្ធផល ៥ ទល់នឹង ២។

ចំណែកឯ Lazio បានយកឈ្នះដល់ទៅ ៤-២ លើក្លឹបអូទ្រីស Salzburg ក្នុងជំនួបជើងទី ១។ មិនតែប៉ុណ្ណោះ ក្នុងជើងទី ២ មួយគ្រាប់របស់ខ្សែប្រយុទ្ធឡើងជើង Ciro Immobile នៅនាទី ៥៥ ជួយឲ្យក្លឹបអ៊ីតាលីនាំមុខ ១-០ ទៅលើ Salzburg ថែមទៀត។ យ៉ាងនេះក្ដី ត្រឹមតែ ១នាទីប៉ុណ្ណោះ ក្លឹបអូទ្រីសអាចរកតាមស្មើបានវិញ ហើយរកបានរហូតដល់ទៅ ៣ គ្រាប់បន្ថែមទៀតក្នុងអំឡុងនាទី ៧០ ធ្វើឲ្យក្លឹបធ្វើបានសម្រេចក្នុងការវាយបកទម្លាក់ក្លឹប Lazio ក្នុងលទ្ធផលសរុបទាំងពីរជើង ៦ ទល់នឹង ៥។

សូមបញ្ជាក់ផងដែរថា ក្នុងវគ្គពាក់កណ្ដាលផ្ដាច់ព្រ័ត្រ Europa League ក្លឹបបារាំង Marseille ត្រូវប៉ះជាមួយ Salzburg របស់អូទ្រីស ឯ Atletico Madrid នឹងត្រូវប្រកួតជាមួយ Arsenal៕

ប្រភព៖ UEFA ប្រែសម្រួល៖ ហ៊ីម រស្មី