កញ្ញា សុវណ្ណរាជ និង លក្ខិណា បំពេញតួនាទីជាកូនល្អក្នុងគ្រួសារនាឱកាសឆ្នាំថ្មីនេះ
- 2018-04-14 08:50:07
- ចំនួនមតិ 0 | ចំនួនចែករំលែក 0
កញ្ញា សុវណ្ណរាជ និង លក្ខិណា បំពេញតួនាទីជាកូនល្អក្នុងគ្រួសារនាឱកាសឆ្នាំថ្មីនេះ
ចន្លោះមិនឃើញ
ក្រៅពីមានកេរ្តិ៍ឈ្មោះបោះសំឡេងក្នុងវិថីសិល្បៈហើយនោះតារាចម្រៀង និងសម្ដែងប្រុសស្រី ៣រូបនេះបានបំពេញកាតព្វកិច្ចជាកូនល្អចំពោះអ្នកមានគុណថែមទៀតផង។
១/កំពូលតារាចម្រៀងស្រីប្រចាំផលិតកម្មហង្សមាស កញ្ញា ឱក សុគន្ធកញ្ញា បាននិមន្តព្រះសង្ឃមកសូត្រមន្តរំដោះគ្រោះលើករាសី នៅគេហដ្ឋានរបស់នាង កាលពីថ្ងៃទី១៣ ខែមេសា ឆ្នាំ ២០១៨ មុនចូលឆ្នាំថ្មីប្រពៃណីជាតិខ្មែរ១ថ្ងៃ។ ក្រៅពីនិមន្តព្រះសង្ឃមកសូត្រមន្តហើយនោះម្ចាស់បទ"មួយម៉ាត់បែកពីរម៉ាត់" ក៏ធ្វើពិធីស្រង់ព្រះជូនជីដូនផងដែរ។
២/ ចំណែកឯតារាចម្រៀងសំឡេងស្រទន់លោក ឆន សុវណ្ណរាជ វិញក៏មិនខុសពី កញ្ញា ប៉ុន្មានដែរលោក បាននិមន្តព្រះសង្ឃមកសូត្រមន្ត ដើម្បីរំដោះគ្រោះលើករាសីក្នុងឱកាសឆ្នាំថ្មី កាលពីថ្ងៃទី ១២ ខែ មេសា ឆ្នាំ ២០១៨ កន្លងទៅមុនចូលឆ្នាំខ្មែរ ២ថ្ងៃ។ បន្ទាប់ពីមន្តព្រះសង្ឃសូត្រមន្តរំដោះគ្រោះលើករាសីហើយនោះ សុវណ្ណរាជ ក៏បានធ្វើពិធីស្រង់ព្រះជូនអ្នកម្ដាយ ដើម្បីសម្ដែងភាពកតញ្ញូដឹងគុណចំពោះអ្នកម្ដាយ។
៣/ ងាកមកចាប់អារម្មណ៍តារាសម្ដែង និងជាពិធីការិនី ថន លក្ខិណា ឯណេះវិញបានធ្វើពិធីស្រង់ព្រះជូនអ្នកម្ដាយ និងលោកឪពុកកាលពីថ្ងៃទី ១១ ខែ មេសា ឆ្នាំ ២០១៨ មុនចូលឆ្នាំខ្មែរ៣ ដើម្បីសម្ដែងភាពកតញ្ញូចំពោះលោកទាំងពីរ។ បន្ថែមពីនេះ នាង បានជូនពរសុំឲ្យអ្នកមានគុណរបស់ខ្លួនមានសុខភាពល្អអាយុយឺនយូរ ប្រកបកិច្ចការងារអ្វីជោគជ័យគ្រប់ភារកិច្ច៕