ក្ដៅៗ! បុរសសង្ហាវ័យ១៩ឆ្នាំ គ្រងតំណែងស្ដេចអុកជំនាន់ថ្មី ផ្ដួលជើងចាស់ល្បីឈ្មោះច្រើនឆ្នាំ

2018-04-16 04:01:18
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រកួតគ្នាច្រើនដំណាក់កាល ទីបំផុតយុវជន សុខ លឹមហេង មានវ័យ១៩ឆ្នាំបានក្លាយជាជើងឯកស្ដេចអុកយក្សជំនាន់ថ្មី ក្រោយផ្ដួលអតីតស្ដេចអុកល្បីឈ្មោះ ឈាវ បូរ៉ា និងជើងខ្លាំងជាច្រើនទៀត។

សុខ លឹមហេង គឺជានិស្សិតឆ្នាំទី១ ផ្នែកគណនេយ្យមកពីសាកលវិទ្យាល័យវណ្ណដាគណនេយ្យ។ នេះជាឆ្នាំទី៣ហើយ ដែលលោកបានចូលរួមប្រកួត ខណៈឆ្នាំ២០១៧លោកទទួលបានពាន់រង្វាន់ថ្នាក់ជាតិលំដាប់ថ្នាក់លេខ៣។

ជាមួយជយលាភីតំណែងជាស្ដេចអុក យុវជន សុខ លឹមហេង ក៏ទទួលបានទឹកប្រាក់ចំនួន២៥០០ដុល្លារពីការប្រកួត និងទទួលបាន២០លានរៀលការឧបត្ថម្ភពីសម្ដេចតេជោ ១០លានរៀលពីអភិបាលខេត្តសៀមរាប និង២លានរៀលសម្ដេចគតិព្រឹត្តបណ្ឌិត សរុប៤២លានរៀល។

សូមជម្រាបជូនថា ឈាវ បូរ៉ា ជាជើងខ្លាំងមួយរូបធ្លាប់ចូលរួមប្រកួត ៥ឆ្នាំមកហើយ និងជាស្ដេចអុកប្រចាំឆ្នាំ២០១៤ និង២០១៥ ហើយកាលពីឆ្នាំ២០១៧ យុវជន២៨ឆ្នាំរូបនេះក៏បានជាប់ចំណាត់ថ្នាក់លេខ៤ផងដែរ៕

អត្ថបទ៖ សុខណា

រាយការណ៍៖ ថោ ច័ន្ទឬទ្ធិ