ប៊ី​ សុធារី អតីតបវរកញ្ញា Miss Universe ក្នុងថ្ងៃ អង្គរសង្ក្រាន្ត កន្លងទៅក្នុងពិធីហែលក្បួនមុខទីលាន ជល់ដំរីបង្ហាញនូវវប្បធម៌ប្រពៃណីដ៏អស្ចារ្យរបស់ ព្រះរាជាណាចក្រកម្ពុជា ឈរ​នៅ​លើ​ក្បួន​ដង្ហែរគ្រង​នៅឈុតសម្លៀកបំពាក់ប្រពៃណីឈ្មោះ "នាងសួគ៌" ដែលមើល​ទៅស្រស់ស្អាតនឹងថ្លៃថ្នូរមែនទែនទៅកាន់ភ្ញៀវជាតិ នឹងអន្តរជាតិរាប់មឺននាក់ដែលបានចូលរួម។ នឹងទទួលបានការកោតសរសើរមិនដាច់ពីមាត់នៅសម្រស់ដ៏ផូរផងរបស់បវរកញ្ញារូបនេះដែលមើលទៅសាកសមជានារីតំណាងឲ្យស្ត្រីខ្មែរទាំងមួល ក្នុងទស្សនីយភាពមួយឧទ្ទិសដល់ពន្លឺដ៏ប្រសើរចាំងចែង លើដែនដីសុវណ្ណភូមិ​ និងបានផ្ដល់នូវជីវិតដល់សត្វលោក ភ្ជាប់ដោយសេចក្ដីរីករាយ ស្នាមញញឹម ក្ដីរំពឹង និងភាពសម្បូរសប្បាយ ដែលពោរពេញទៅដោយសេចក្ដីរីកចម្រើន និងចែករំលែកដល់មនុស្សជុំវិញខ្លួន ឱ្យទទួលបាននូវភាពជោគជ័យរួមគ្នា នឹងមានផែនបង្ហាញពីស្ថាបត្យកម្ម និងចម្លាក់ អក្សរសាស្រ្ត សិល្បៈ ជំនឿ ទំនៀមទម្លាប់ និងប្រពៃណីរបស់ព្រះរាជាណាចក្រកម្ពុជា។

ជាក់ស្តែង​ក្នុងមហាព្រឹត្តការណ៍ដ៌អស្ចារ្យនេះគឺមានការចូលរួមដ៏ខ្ពង់ខ្ពស់របស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា និងសម្តេច កិត្តិព្រឹទ្ធបណ្ឌិត ប៊ុន រ៉ានី ហ៊ុន សែន រួមជាមួយព្រះសង្ឃ មន្រ្តីរាជរដ្ឋាភិបាល អ្នកតំណាងរាស្រ្ត មន្រ្តីរាជការ មន្រ្តីការទូត សិល្បករ យុវជន ទាំងខ្មែរ និងបរទេស ព្រមទាំងប្រជាពរលដ្ឋរាប់ម៉ឺននាក់ក្នុងការដង្ហែរក្បួន បង្ហាញពីការប្រើប្រាស់ធនធានដែលទទួលបានពីភាពសម្បូរសប្បាយដើម្បីកែច្នៃសម្រួលទៅដល់ជីវភាពរស់នៅរបស់ប្រជាជាតិខ្មែរទាំងមូល និងអមដោយការតាក់តែងលំអរយ៉ាងប្រណិតក្នុងរចនាបថបុរាណដែលច្នៃចេញពីសម្លៀកបំពាក់អាពាពិពាហ៍បែបប្រពៃណីខ្មែរ។

តោះមើលឈុត"នាងសួគ៌"ស្រស់ស្អាតយ៉ាងណា៖

អត្ថបទ៖ សិរីរត្នន៍