គន្លឹះទាំង ៧ យ៉ាង អ្នកប្រើប្រាស់ Mac ភាគច្រើនមិនបានដឹង (មានវីដេអូ)

2018-04-18 09:40:23
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រើប្រាស់កុំព្យូទ័រគ្រប់ប្រភេទរបស់ Apple ភាគច្រើនមានការពេញចិត្តជាមួយដំណើរការដ៏ល្អរវាង Hardware និង Software ជាពិសេសគឺ Gesture ដែលអាចប្រើប្រាស់លើ Trackpad ឬក៏ Magic mouse ដែលធ្វើឲ្យបទពិសោធន៍របស់អ្នកប្រើប្រាស់ Mac មានប្រៀបជាង Trackpad និង mouse ធម្មតា។

ក្រៅពីការប្រើប្រាស់ដ៏សម្បូរបែប នៅមានគន្លឹះ ៧ យ៉ាងទៀត ដែលអ្នកប្រើប្រាស់ Mac OS គ្រប់រូបគួរដឹង ព្រោះវាពិតជាមានអត្ថប្រយោជន៍ និងជួយសន្សំពេលវេលាបានច្រើន។ គន្លឹះទាំង ៧ នោះមានដូចជា៖

១. Universal Copy Paste

បើអ្នកប្រើ iCloud ទាំងនៅលើ Mac និង iPhone អាចធ្វើការ copy and paste នៅលើឧបករណ៍ទាំងនោះតែម្ដង អាច copy លើ iPhone ហើយ paste លើ Mac ទៅវិញទៅមក។

២. កែសម្រួល Menu Bar

បើចង់ប្ដូរទីតាំង icon នៅលើ Menu bar គ្រាន់តែចុចប៊ូតុង Command ឲ្យជាប់ ហើយយក cursor របស់ mouse ឬ trackpad ទៅទាញទៅជាការស្រេច។

៣. បង្កើតអត្ថបទ

គ្រាន់តែទាញយកអត្ថបទណា ដែលចង់បានទៅដាក់លើ Desktop នោះ MacOS នឹងបង្កើតជា Plain Text file មួយ ដែលមានអត្ថបទនោះនៅខាងក្នុងរួចជាស្រេច។

៤. ចែកអេក្រង់

មុខងារនេះគឺដូចការចែកអេក្រង់នៅលើ iPad ដែរ ដោយគ្រាន់តែអ្នកយក Cursor ទៅចុចឲ្យជាប់លើប៊ូតុងពណ៌បៃតង ផ្នែកខាងឆ្វេងដៃលើបំផុត។

៥. Emoji

អ្នកតែងតែ copy paste រូប Emoji ពីអ៊ីនធឺណិតមកពេលចង់ប្រើប្រាស់វាមែនទេ? នៅពេលដែលចង់ប្រើលើកក្រោយគ្រាន់តែចុចប៊ូតុង Command + Control + Space Bar នោះ Emoji នឹងចេញមកហើយ។

៦. Picture-in-Picture

ពេលប្រើប្រាស់ Safari ហើយចង់ទាញវីដេអូ ដែលកំពុងទស្សនាមកលើអេក្រង់ផ្ទាល់តែម្ដង អ្នកគ្រាន់តែចុច mouse ស្ដាំ ២ ដង ឲ្យឃើញពាក្យថា "Enter Picture in Picture” នោះវីដេអូ នឹងអណ្ដែតលើផ្ទៃអេក្រង់ឡើងតែម្ដង។ បើគ្មាន "Enter Picture in Picture" ទេនោះ អ្នកអាចចុចប៊ូតុង Control ឲ្យជាប់ ហើយ Double click លើវីដេអូនោះតែម្ដង។

៧. ការបញ្ចូលហត្ថលេខា

ពេលបើកឯកសារ PDF ហើយចង់បញ្ចូលហត្ថលេខារបស់ខ្លួននោះ ចំពោះអ្នកប្រើ Macbook និងអ្នកដែលមានប្រើ Magic Trackpad សម្រាប់ iMac ឬ Mac Pro ជាដើម អាចបើកកម្មវិធី Preview បន្ទាប់មកចុចប៊ូតុង Mark Up ហើយជ្រើសយក Sign សម្រាប់ស៊ីញ៉េលើ Trackpad ផ្ទាល់តែម្ដង។