មង្គលការលើកទី២របស់ម្ចាស់បទ "PPAP" តាំងសុទ្ធតែផ្លែឈើលម្អពេញរោងការ
- 2018-04-18 09:10:00
- ចំនួនមតិ 0 | ចំនួនចែករំលែក 0
មង្គលការលើកទី២របស់ម្ចាស់បទ "PPAP" តាំងសុទ្ធតែផ្លែឈើលម្អពេញរោងការ
ចន្លោះមិនឃើញ
តារាចម្រៀងលំដាប់ A របស់ប្រទេសជប៉ុន និងជាម្ចាស់បទចម្រៀងល្បី "PPAP” និងភរិយា Hitomi Yasueda បានរៀបចំមង្គលការម្ដងទៀតជាមួយគ្នាក្នុងទីក្រុងតូក្យួកាលពីសប្ដាហ៍មុន បន្ទាប់ពីរៀបការនឹងគ្នាលើកទី១ កាលពីខែសីហា ឆ្នាំ ២០១៧។
ពិធីនេះមានការចូលរួមពីសំណាក់មិត្តភ័ក្ដិ និងសាច់ញាតិគ្រួសាររបស់ Piko Taro និងភរិយាជាច្រើននាក់។ អ្វីដែលគួរឲ្យចាប់អារម្មណ៍ក្នុងកម្មវិធីនោះ មានបង្អែម នំនែក ព្រមទាំងផ្លែឈើច្រើនមុខសម្រាប់ភ្ញៀវដែលបានមកចូលរួមដូចជា ផ្លែម្នាស់ ផ្លែប៉ោម និងក្រូចជាដើម។ ក្រៅពីដាក់ជូនភ្ញៀវទទួលទាន ផ្លែឈើទាំងនោះ ក៏ត្រូវគេយកទៅតាំងលម្អពេញរោងការដែរ ដែលជាទស្សនីយភាពកម្របានឃើញពីមុន។
មួយវិញទៀត ដើម្បីញ៉ាំងបរិយាកាសឲ្យកាន់តែពិសេស កូនកំលោះ Piko Taro ក៏បានឡើងបកស្រាយបទចម្រៀងល្បីប្រចាំត្រកូល "PPAP” ផងដែរ។ ទិដ្ឋភាពពេញដោយសុភមង្គល និងសំឡេងអបអរពីសំណាក់សាច់ញាតិ បងប្អូនដែលបានចូលរួមទាំងអស់ ពិតជាបាន ធ្វើឲ្យគូស្នេហ៍នេះមានក្ដីសុខថែមមួយកម្រិត៕