អស់លទ្ធភាព ករុណា ពេជ្រ ប្រកាសលក់វីឡាហើយពេលនេះ

2018-04-19 01:53:42
ចំនួនមតិ 0 | ចំនួនចែករំលែក 0

ចន្លោះមិនឃើញ

ដោយសារតែស្ថានភាពជំងឺលោក ឪពុក កាន់តែធ្ងន់ធ្ងរឡើងពេលនេះតារាចម្រៀងផលិតកម្មថោន ករុណា ពេជ្រ ប្រកាសលក់វីឡាទោលដើម្បីយកថវិកាទៅព្យាបាលអ្នកមានគុណ នៅឯក្រៅប្រទេស។

ជាក់ស្ដែងថ្មីៗនេះ លោក បង្ហោះរូបថតអ្នកមានគុណអមជាមួយពាក្យពេចន៍ថា៖"ផ្ទះធំពេកហើយ ប៉ាឈឺទៀត កូននឹងនាំប៉ា ទៅព្យាបាលបន្តនៅក្រៅប្រទេស ឆាប់ៗនេះ កុំឲ្យសៅហ្មង ខ្ញុំសូមប្រកាសលក់ផ្ទះវីឡាទោល ហើយនៅកែងផ្លូវ ខាងមុខតែម្ដង ដែលមានទីតាំងនៅបុរីពិភពថ្មីសំរោងអណ្ដែត៣"។

ឪពុកតារាចម្រៀង ករុណា ពេជ្រ ធ្លាក់ខ្លួនឈឺជាច្រើនខែមកហើយ ដោយជំងឺលើសឈាម និងបានធ្វើការវះកាត់នៅមន្ទីរពេទ្យជប៉ុន មួយក្នុងទីក្រុងភ្នំពេញ។ កន្លងមកលោកធ្លាប់ទៅបន់ស្រន់នៅកន្លែងស័ក្ដិសិទ្ធិជាច្រើនរួមទាំងព្រះអង្គដង្កើ ដើម្បីបួងសួងសុំឲ្យអ្នកមានគុណបានជាសះស្បើយពីជំងឺ។