ឪពុក ឡុង ជិន ផ្ដាំកូនកុំដើរលេង ទុកកម្លាំងវ៉ៃយកខ្សែក្រវាត់
- 2018-04-19 02:19:28
- ចំនួនមតិ 0 | ចំនួនចែករំលែក 0
ឪពុក ឡុង ជិន ផ្ដាំកូនកុំដើរលេង ទុកកម្លាំងវ៉ៃយកខ្សែក្រវាត់
ចន្លោះមិនឃើញ
ឪពុកបង្កើតរបស់អ្នកប្រដាល់ ឡុង ជិន ប្រាប់កូនឲ្យខំប្រឹងប្រែងហ្វឹកហាត់ និងកុំដើរលេងអីទុកកម្លាំង ដើម្បីដណ្ដើមខ្សែក្រវាត់ជាមួយជើងខ្លាំង កាកា នៅចុងខែមេសាខាងមុខនេះ។
លោក សាន ចាន់ ប្រាប់ឲ្យដឹងថា ក្នុងវង្សត្រកូលពីមុនមកគ្រួសាររបស់លោកមិនមានអ្នកណាជាកីឡាករប្រដាល់នោះទេ ទើបតែមានកូនប្រុសខាងលើម្នាក់ប៉ុណ្ណោះ។ សម្រាប់ការប្រកួតវគ្គផ្ដាច់ព្រ័ត្រខ្សែក្រវាត់គូបូតា នាប៉ុន្មានសប្ដាហ៍ខាងមុខនេះ លោកក៏បានដាស់តឿន ឡុង ជិន ផងដែរកុំឲ្យភ្លេចខ្លួនចំពោះការហ្វឹកហាត់ ឬចំណាយពេលមិនសូវមានប្រយោជន៍នានា ដូចជាដើរលេង ផឹកស៊ីអីជាដើម។
សម្រាប់ការប្រកួតនោះដែរ បុរសវ័យ ៤៥ឆ្នាំ ខាងលើ មិនហ៊ានរំពឹងច្រើនទេ ពោលត្រឹម៥០% សិន ព្រោះដៃគូខ្លាំង សមត្ថភាពប្រកួតមិនធម្មតាឡើយ។ នៅថ្ងៃប្រកួតផ្ដាច់ព្រ័ត្រលោកនឹងមកលើកទឹកចិត្តកូនដល់ផងដែរ។
លោក សាន ចាន់ ជាអ្នកខេត្តកណ្ដាលត្រូវជាឪពុកអ្នកលេងគុនខ្មែរ ឡុង ជិន ហើយនៅថ្ងៃទី២៧ ចុងខែមេសានេះ កូនប្រុសរបស់លោក នឹងត្រូវឡើងប្រកួតវគ្គផ្ដាច់ព្រ័ត្រខ្សែក្រវាត់គូបូតា ទម្ងន់៦០គីឡូក្រាម នៅសង្វៀនបាយ័នស្ទឹងមានជ័យ៕