U21 កម្ពុជាមិនប្រមូលផ្ដុំក្រោមហេតុផលនេះ
- 2018-04-19 07:41:53
- ចំនួនមតិ 0 | ចំនួនចែករំលែក 0
U21 កម្ពុជាមិនប្រមូលផ្ដុំក្រោមហេតុផលនេះ
ចន្លោះមិនឃើញ
ក្រុមបាល់ទាត់ U21 កម្ពុជា នឹងធ្វើដំណើរទៅប្រទេសប្រ៊ុយណេ នាថ្ងៃទី២៣ ខែមេសា ឆ្នាំ២០១៨ ខាងមុខនេះ ដើម្បីត្រៀមការប្រកួតពានស្ដេច ស៊ូលតង់ នៃប្រទេសប្រ៊ុយណេ។
លោកប្រាក់ សុវណ្ណារ៉ា គ្រូបង្វឹកដឹកនាំ U21 កម្ពុជាបានឲ្យដឹងថា កូនក្រុមរបស់លោកគ្មានការប្រមូលផ្ដុំឡើយ ពីព្រោះកម្មវិធីប្រកួតនៅលីគកំពូលកម្ពុជាសប្ដាហ៍ទី៥ បញ្ចប់ត្រឹមថ្ងៃទី២២ ហើយការចេញដំណើរថ្ងៃទី២៣ ដូច្នេះគ្មានពេលសម្រាប់ប្រមូលផ្ដុំនៅកម្ពុជាឡើយ។ ទាក់ទងបញ្ជីឈ្មោះវិញ នឹងចេញនៅថ្ងៃសុក្រស្អែកនេះ ឬអាចឈានដល់ថ្ងៃសៅរ៍ ទី២១ យ៉ាងយូរបំផុត។
ក្រុមបាល់ទាត់ U21 កម្ពុជា ស្ថិតនៅពូល B ជាមួយក្រុមជម្រើសជាតិ U21 ឡាវ និង U21 សិង្ហបុរី។ រីឯកម្មវិធីប្រកួតក្នុងពូល B នេះវិញ នឹងចាប់ផ្ដើមថ្ងៃទី២៥ ខែមេសា ឆ្នាំ២០១៨ ដោយក្រុមសិង្ហបុរី ជួប ឡាវ ស្របពេលក្រុមកម្ពុជាប៉ះឡាវថ្ងៃទី២៨ និងប៉ះក្រុមសិង្ហបុរីថ្ងៃទី៣០ ខែមេសា ឆ្នាំ២០១៨៕