Rita Ora ធ្លាក់ទឹកមុខខ្លាំង ក្រោយដឹងថា DJ Avicii ទទួលមរណភាព
- 2018-04-21 03:12:39
- ចំនួនមតិ 0 | ចំនួនចែករំលែក 0
Rita Ora ធ្លាក់ទឹកមុខខ្លាំង ក្រោយដឹងថា DJ Avicii ទទួលមរណភាព
ចន្លោះមិនឃើញ
តារាចម្រៀង Rita Ora ត្រូវបានប្រទះឃើញមានទឹកមុខក្រៀមក្រំនៅពេលដែលនាងទៅទទួលទានអាហារពេលល្ងាចជាមួយមិត្តភ័ក្ដិនៅភោជនីយដ្ឋានមួយនៅទីក្រុងឡុងដុងកាលពីយប់ថ្ងៃសុក្រ ដែលត្រូវជាថ្ងៃតែមួយដែលមិត្តរួមអាជីពរបស់នាងDJ Avicii ត្រូវបានប្រទះឃើញស្លាប់បាត់បង់ជីវិតនោះ។
តារាចម្រៀងស្រីវ័យ ២៧ឆ្នាំរូបនេះ បានដើរឱនមុខចុះជាប់រហូត ក្រោយពេលដែលនាងបានបង្ហោះសាររំលែកទុក្ខចំពោះស្ដេច EDM Avicii លើបណ្ដាញសង្គម Twitter ហើយនោះ។
ក្នុងសារមួយនោះនាងបានសរសេរថា៖ "ខ្ញុំគ្មានពាក្យអ្វីនឹងនិយាយនោះទេ។ ខ្ញុំនៅតែចងចាំពីពេលវេលាដ៏អស្ចារ្យដែលពួកយើងបានធ្វើបទចម្រៀង "Lonely Together” រួមគ្នា ហើយវាមានអារម្មណ៍ថាពួកយើងទើបតែបានជជែកលេងជាមួយគ្នាកាលពីម្សិលមិញសោះ។ សូមចូលរួមរំលែកទុក្ខចំពោះក្រុមគ្រួសារ Avicii, មិត្តភ័ក្ដិ, និងអ្នកគាំទ្ររបស់លោកទាំងអស់។ សូមឲ្យវិញ្ញាណក្ខន្ធលោកបានទៅកាន់សុគតិភព។ លោកទៅលឿនពេកហើយ។ ខ្ញុំពិតជាខ្លោចផ្សា ឈឺចិត្តណាស់"។
គួររម្លឹកដែរថា តារាចម្រៀង Rita Ora និង Aviciiបានចាប់ដៃគ្នាច្រៀងបទចម្រៀងដែលទទួលបានប្រជាប្រិយភាពខ្លាំង "Lonely Together" ក្នុងឆ្នាំ២០១៧ជាមួយគ្នា។ បទចម្រៀងនេះដែរ ជាបទចម្រៀងចុងក្រោយរបស់លោកនៅក្នុងប្រទេសអង់គ្លេសដែលទទួលបានចំណាត់ថ្នាក់លេខ៤ក្នុងតារាង៕
ចុចអាន៖