ល្អអត់ បើ Real Madrid ចង់បាន Wenger ទៅដឹកនាំនៅរដូវកាលក្រោយ?

2018-04-21 03:33:10
ចំនួនមតិ 0 | ចំនួនចែករំលែក 0

ចន្លោះមិនឃើញ

នេះជាដំណឹងភ្ញាក់ផ្អើលមួយដែល មានក្លឹប២កំពុងតែចង់បានលោក Arsene Wenger ក្រោយពីអ្នកចាត់ការរូបនេះសម្រេចចិត្តចាកចេញពីក្លឹប Arsenal នៅរដូវកាលមុខនេះ។

ក្លឹបទាំងពីរដែលត្រូវបានគេដឹងថាកំពុងចាប់អារម្មណ៍លើអ្នកចាត់ការសញ្ជាតិបារាំងខាងលើនេះគឺក្លឹប Real Madrid របស់អេស្ប៉ាញ និងក្លឹបអ្នកមាន PSG ។ ក្រុមអធិរាជស កំពុងតែស្វែងរកអ្នកចាត់ការថ្មី ក្រោយពីអ្នកចាត់ការ Zidane បានប្រកាសថានឹងចាកចេញពីក្លឹបដែរ បើទោះជាដឹកនាំក្រុមការពារតំណែងជើងឯក UEFA Champions League បានក៏ដោយ។ ចំណែកក្លឹប PSG វិញ ដូចដែលប្រិយមិត្តដឹងស្រាប់ហើយ ក្រោយពីមិនអាចឈ្នះពាន UCL បាន តំណែងរបស់លោក Unai Emery ក៏អាចនឹងបាត់ទៅដែរនៅពេលចប់រដូវកាលនេះ។

ដូច្នេះហើយ ទើបបានជាការចាកចេញពី Arsenal របស់លោក Wenger អាចជាជម្រើសល្អមួយសម្រាប់ក្លឹបទាំងពីរ ដើម្បីនាំលោកទៅដឹកនាំនារដូវកាលថ្មីខាងមុខនេះ។ បុរសវ័យ៦៨ឆ្នាំ បើទោះជាមិនអាចដឹកនាំ Arsenal លើកពានច្រើនបានមែន ប៉ុន្តែស្នាដៃនិងទេពកោសល្យជាច្រើនរបស់លោក ត្រូវបានគេទទួលស្គាល់យ៉ាងច្បាស់ ថាជាអ្នកចាត់ការល្អម្នាក់។

សម្រាប់ប្រិយមិត្តវិញ គិតថាបុរសដែលដឹកនាំ Arsenal ជិត២២ឆ្នាំខាងលើ គួរជ្រើសរើសយកក្លឹបមួយណាទៅ ដើម្បីដឹកនាំបន្ដនៅរដូវកាលក្រោយ?

ប្រភព៖ Dailymail ប្រែសម្រួល៖ មុន្នីរម្យ