រកឃើញមូលហេតុ iPhone ឡើងកម្តៅ ស៊យធំបើដោះស្រាយមិនទាន់

2018-04-22 02:41:52
ចំនួនមតិ 0 | ចំនួនចែករំលែក 0

ចន្លោះមិនឃើញ

មានអ្នកប្រើប្រាស់មួយចំនួនរអ៊ូរឿង iPhone ប្រើឆាប់ក្ដៅ។ មានមូលហេតុអាចមកពីការ Call, ការថតវីដេអូ, លេងហ្គេម ឬ មើលវីដេអូ ក្នុងរយៈពេលយូរ។ បញ្ហាក៏អាចមកពីថ្ម (គុណភាពមិនល្អ)។ មួយវិញទៀត អាចមកពីការដាក់ក្នុងទីតាំងហប់ខ្យល់ជាដើម។

ដំណោះស្រាយពេលទូរសព្ទក្តៅ៖

បញ្ឈប់ការសាកថ្ម

បើអាចមកពីការសាកថ្ម គួរបញ្ឈប់សកម្មភាពនេះភ្លាម រួចស្វែងរកមូលហេតុ ដោយពិនិត្យមើល ខ្សែ និងក្បាលសាកថ្ម ក្រែងមិនមែនជារបស់ហ្សីន។

បិទចោល

មុនពេលរកហេតុផលពីការកើនកម្ដៅ គួរបិទចោលសិន ជាវិធីលឿនបំផុតបំបាត់កម្ដៅ។ ចុចប៊ូតុង Power ឲ្យជាប់រហូតឃើញមានប៊ូតុង ចុចអូសសម្រាប់បិទ។

ក្រោយបិទមួយសន្ទុះ អ្នកអាចបើកវិញ ដោយចុចប៊ូតុង Power ឲ្យជាប់ ពីរបីវិនាទី។

ដោះស្រោមទូរសព្ទចេញ

ការរចនារូបរាង ក៏ដូចជាសមាសធាតុស្រោមទូរសព្ទ ក៏ជាកត្តាធ្វើឲ្យទូរសព្ទឆាប់កើនកម្ដៅផងដែរ។ ដោះស្រោមចេញ ទុកចោលរហូតដល់ទូរសព្ទចុះត្រជាក់ សឹមដាក់ប្រើប្រាស់ឡើងវិញ។

បិទ Personal Hotspot

មុខងារ Personal Hotspot សម្រាប់ចែករំលែកអ៊ីនធឺណិត ក៏ជាដើមហេតុធ្វើឲ្យទូរសព្ទឆាប់ក្តៅ។ បិទមុខងារនេះ ដោយចូល Settings > Personal Hotspot > ចុចលើប៊ូតុងក្បែរនឹងពាក្យ Personal Hotspot ប្រាកដថាមិនមានពណ៌បៃតង។

បិទ Wifi និង Bluetooth

ពិនិត្យមើល WiFi និង Bluetooth ក្រែងបើកចោល ដោយសារមុខងារនេះបន្តស្វែងរក WiFI ឬ Bluetooth device ក្នុងការភ្ជាប់។

អាចបិទចោលទាំងពីរ បើមិនត្រូវការប្រើប្រាស់ ដើម្បីបន្ថយកម្ដៅទូរសព្ទ។ ចូលទៅកាន់ Control Center ចុចអេក្រង់ខាងក្រោមអូសឡើងលើ > ចុចលើ icon WiFi និង Bluetooth។

បើក Airplane Mode

ពេលអ្នកបើកមុខងារ Airplane mode ក៏អាចធ្វើឲ្យទូរសព្ទកើនកម្ដៅ។ ចូលទៅ Control Center > ចុចលើ icon Airplane (រូបយន្តហោះ) នឹងឃើញរូបសញ្ញាយន្តហោះ នៅផ្នែកលើខាងឆ្វេងអេក្រង់ > រង់ចាំមួយ ឬពីរនាទី រួចបិទ Airplane mode វិញ។

បិទ Location Services

មុខងារ Location Services មានប្រយោជន៍ពេលអ្នកចង់ស្វែងរក WiFi hotspot ស្ថិតនៅជិតបំផុត។ មុខងារនេះប្រើ GPS ដើម្បីស្វែងរកទីតាំង ដោយបន្តស្វែងរកស្ទើរគ្រប់ពេល។

គួរបិទមុខងារនេះ ពេលអ្នកមិនត្រូវការ ដោយចូលទៅកាន់ Settings > Privacy > Location Services រួចប្រាកដថាប៊ូតុងក្បែរ Location Services មិនមានពណ៌បៃតង។

ពិនិត្យមើលកម្មវិធីប្រើថាមពលថ្ម មុខងារ Battery Usage អាចឲ្យអ្នកឃើញកម្មវិធីណាមួយចំណាយថាមពលថ្មច្រើន ដែលធ្វើឲ្យ iPhone កើនកម្ដៅ។

ចូលទៅកាន់ Settings > អូសចុះក្រោម ចុចលើ Battery។
លើអេក្រង់ Battery រង់ចាំបន្តិច នឹងឃើញមុខងារ Battery Usage ព្រមទាំងកម្មវិធី និងសេវាកម្ម (Services) មួយចំនួន។

ចុចលើប៊ូតុង Last 7 Days ដើម្បីឃើញពីថាមពលថ្មបានប្រើដោយកម្មវិធីនីមួយៗកាលពី ៧ ថ្ងៃមុន > ចុចលើរូបសញ្ញានាឡិកា (Time) ដើម្បីឃើញព័ត៌មានលម្អិតកម្មវិធីនីមួយៗ។
អាចសម្រេចចិត្ត Update ឬ លុបចោលកម្មវិធីណាមួយបាន។

អាប់ដេត iOS

ការអាប់ដេត iOS អាចជួយដោះស្រាយបញ្ហាលើប្រព័ន្ធដំណើរការ និងក៏មានបញ្ចូលមុខងារថ្មីៗផងដែរ។

គួរប្រាកដថាថ្មលើ iPhone ពេញ ឬអាចសាកថ្ម កំឡុងពេលអាប់ដេត។
ប្រាកដថាអ្នកសល់ Storage ទំនេរយ៉ាងហោចណាស់ ១.៥GB។ អាចពិនិត្យមើល Storage នៅសល់ដោយចូលទៅកាន់ Settings > General > About រួចពិនិត្យត្រង់ផ្នែក Available។
ចូល Settings > General > Software Update
បើ Software Update អ្នកអាចអាប់ដេតបាន ចុចលើ Install Now។

ដំណោះស្រាយពេល iPhone កើនកម្ដៅ ក្រោយពេលអាប់ដេត iOS ផ្ដល់ពេលវេលាដល់ប្រព័ន្ធ ជាធម្មតា ដំណើរការអាប់ដេត នឹងផ្លាស់ប្ដូរ Configuration (ការកែប្រែទិន្នន័យប្រព័ន្ធ) មួយចំនួនលើ iPhone។ អ្នកគួររង់ចាំយ៉ាងហោចណាស់ ១ ថ្ងៃ សម្រាប់ឲ្យ iPhone ដំណើរការដូចធម្មតាវិញ។

បិទបើក (Hard Reboot) បើទូរសព្ទ iPhone អ្នក នៅបន្តកើនកម្ដៅ អាចសាកបិទបើក ដែលវិធីនេះនឹងលុបគ្រប់យ៉ាងមានបញ្ហាក្នុងមេម៉ូរី។ ចុចប៊ូតុង Home និង Power ដំណាលគ្នា ពីរបីវិនាទី រហូតឃើញ Apple logo បង្ហាញលើអេក្រង់។

ប្រើជំនាន់ iOS ចាស់វិញ អ្នកមានឱកាស Downgrade iOS វិញ បើអ្នកមិនចូលចិត្ត ឬករណីមានបញ្ហា ដោយ Apple ទុកឱកាស ១ ទៅ ២ សប្ដាហ៍ ក្រោយចេញកំណែទម្រង់ថ្មី។

រង់ចាំជំនាន់បន្ទាប់ ករណីអ្នកមិនអាច Downgrade ប្រើជំនាន់ចាស់វិញ អាចរង់ចាំកំណែទម្រង់ iOS បន្ទាប់។ ធម្មតា បើ Apple ទទួលការរិះគន់ច្រើនទាក់ទងនឹងកំណែទម្រង់ iOS ពួកគេនឹងចេញកំណែទម្រង់ថ្មីក្នុងពេលដ៏ឆាប់៕