មូលហេតុ៥យ៉ាងដែល Real Madrid ត្រូវតែយកឈ្នះ Bayern
- 2018-04-23 09:00:34
- ចំនួនមតិ 0 | ចំនួនចែករំលែក 0
មូលហេតុ៥យ៉ាងដែល Real Madrid ត្រូវតែយកឈ្នះ Bayern
ចន្លោះមិនឃើញ
Real Madrid នឹងត្រូវធ្វើដំណើរទៅកាន់ទឹកដីអាល្លឺម៉ង់នៅថ្ងៃពុធដើម្បីប្រកួតវគ្គពាក់កណ្ដាលផ្ដាច់ព្រ័ត្រ Champions League ជាមួយ Bayern Munich។
គ្មាននរណាអាចទាយបាននោះទេថារវាងក្រុមយក្សទាំងពីរតើមួយណាមានភាគរយខ្ពស់ជាងដើម្បីឡើងទៅវគ្គផ្ដាច់ព្រ័ត្រ ដោយសារពួកគេសុទ្ធតែខ្លាំងដូចគ្នា។ ចំពោះទម្រង់លេងរបស់ Real ហាក់ពិបាកស្មានបន្តិចព្រោះក្រុមនេះឡើងចុះតាមប្រកួត តែយ៉ាងណាមានមូលហេតុ៥ដែលលោក Zidane ត្រូវតែយកឈ្នះ Bayern៖
១. Real Madrid មិនចង់បញ្ចប់រដូវកាលដោយបាតដៃទទេ
Real Madrid បានលើកពាន Spanish Super Cup និង Club World Cup កាលពីដើមរដូវកាលតែសម្រាប់ពានធំ៣រដូវកាលនេះពួកគេបានរបូតអស់២ហើយគឺ Copa del Rey និង La Liga ដូច្នេះ UEFA Champions League គឺជាក្ដីសង្ឃឹមចុងក្រោយរបស់ក្លឹបមានមូលដ្ឋាននៅទីក្រុងម៉ាឌ្រីដ។
២. ទម្រង់លេងដែលមិនអាចទាយទុកមុនបានរបស់ Zidane
Real Madrid ហាក់មានទម្រង់លេងខ្សោយនៅពានក្នុងស្រុកទាំង La Liga និង Copa តែពួកគេគឺជាក្រុមខ្លាំងបំផុតមួយនៅពានទ្វីបអឺរ៉ុប។ មុនឡើងមកដល់វគ្គនេះពួកគេបានទម្លាក់ PSG ជាជើងឯកមកពីបារាំង រួចបន្តទម្លាក់ Juventus ក្រុមជើងឯកមកពីអ៊ីតាលីថែមទៀត។
៣. កំណត់ត្រាល្អទល់នឹង Bayern
Bayern Munich គឺជាក្រុមខ្លាំង ប៉ុន្តែបើមើលលើប្រវត្តិជួបគ្នាកន្លងមកទល់នឹង Real Madrid ពួកគេធ្វើមិនសូវបានល្អនោះទេ។ ក្រុមជើងឯកអាល្លឺម៉ង់បានទម្លាក់ Real Madrid វគ្គពាក់កណ្ដាលផ្ដាច់ព្រ័ត្រដោយបាល់ប៉េណាល់ទីកាលពីរដូវកាល ២០១១-១២ តែបន្ទាប់ពីនោះមកពួកគេចាញ់រហូត (ធ្លាក់វគ្គពាក់កណ្ដាលផ្ដាច់ព្រ័ត្រ ២០១៣-១៤ និង វគ្គ៨ក្រុម ២០១៦-១៧)។
៤. Real គឺជាបងធំនៅ Champions League
ក្រៅពីជាជើងឯក១២សម័យកាល អ្វីដែលគេមិនអាចប្រកែកបានគឺ Real Madrid បានឈ្នះពាន Champions league ៣ដង ត្រឹមរយៈពេល៤ឆ្នាំចុងក្រោយប៉ុណ្ណោះ។
៥. កូនសោសំខាន់ Ronaldo
Ronaldo គឺជាកូនសោសំខាន់របស់ Real Madrid នៅ Champions league។ ខ្សែប្រយុទ្ធសញ្ជាតិព័រទុយហ្គាល់ស៊ុតចូលទី១៥គ្រាប់នៅរដូវកាលនេះ សរុប ១២០គ្រាប់ច្រើនជាងគេក្នុងប្រវត្តិសាស្ត្រ Champions league។ តារាឆ្នើមវ័យ៣២ឆ្នាំត្រូវការឈ្នះពានទ្វីបអឺរ៉ុបនេះជាចាំបាច់ដើម្បីប្រជែងយក Ballon d'Or៕