មាក់ប្រាង គំនូវជីវចលថ្មី រំពឹងខ្ពស់ពីការប្រកួតមហោស្រពភាពយន្ត Chaktomuk Short Film Festival

2018-04-24 02:35:22
ចំនួនមតិ 0 | ចំនួនចែករំលែក 0

ចន្លោះមិនឃើញ

សិល្ប ជាក្រុមបង្កើតគំនូរជីវចលបែប Animation និងបង្កើតហ្គេម ដែលធ្លាប់បានផលិតរឿង "យក្សតូច " ឬ " Little Yak " បានចំនួយ ២វគ្គរួចមកហើយនោះនិងទទួលបានការគាំទ្រយ៉ាងច្រើនពីស្នាដៃគំនូរជីវចលមួយនេះ។ រឿង "យក្សតូច " ឬ " Little Yak " នេះត្រៀមផលិតចំនួន ១០វគ្គនិងត្រៀមចេញវគ្គ ៣ នៅពេលឆាប់ៗខាងមុខនេះ។

លោក យក់ ស៊ីវ៉ាល់រី

លោក យក់ ស៊ីវ៉ាល់រី ជាស្ថាបនិក និងជាប្រធានក្រុមសិល្បផងនេះបានប្រាប់មកកាន់ Sabay ថាក្រុមរបស់លោកកំពុងត្រៀមផលិតរឿងខ្លីថ្មីមួយទៀតដែលមានចំណងជើងថា **" ម៉ាកប្រាង "** សម្រាប់ចូលរួមប្រកួតរឿងខ្នាតខ្លី នៅក្នុងកម្មវិធី **Chaktomuk Short Film Festival (CSFF)** ដែលធ្វើការចាប់ផ្ដើមប្រកួតនៅថ្ងៃទី **២៥ ខែ តុលា** ខាងមុខនេះ។

រូបភាពគំរូតួអង្គក្នុងរឿង ម៉ាកប្រាង

លោកបន្តថាក្រៅពីគំនូរជីវចល "យក្សតូច " ឬ " Little Yak " ក្រុមរបស់លោកក៏មានគម្រោងសាកល្បងគំនូរជីវចល មួយទៀតដែលមានលក្ខណៈបែបកំប្លែង និងរយៈពេលខ្លី ដែលមានចំណងជើងថា "Angkorian The Khmer Empire" ដែលបានចេញជា Trailer រួចមកហើយ។

ទស្សនាវិដេអូ Trailer ខាងក្រោម៖

លោកបន្ថែមទៀតថាក្រៅពីវីដេអូគំនូរជីវចលដែលត្រៀមចេញសាកល្បងនេះ។ លោកមានគម្រោង ផលិតគំនូរជីវចលថ្មីមួយទៀតដែលមានចំណងជើងថា " អាខ្វាក់អាខ្វិន " ជាគំនូរជិវចលដែលមានលក្ខណៈបែបកំប្លែង។ ទោះជាយ៉ាងណាក៏ដោយតែនេះគ្រាន់តែជាការរំពឹងទុករបស់លោកតែប៉ុណ្ណោះ។

រូបភាពគំរូតួអង្គក្នុងរឿង អាខ្វាក់អាខ្វិន

លោកបន្តថា ដោយសារការផលិតរឿងគំនូរជិវចលមួយនេះ ត្រូវការចំណោះដឹងផ្នែកធនធានមនុស្សបន្ថែម និងត្រូវចំណាយលើហិរញ្ញវត្ថុច្រើនសម្រាប់បង្កើត ហើយត្រូវប្រើពេលវេលាផលិតពី ៤ ទៅ ៥ឆ្នាំឯណោះ។

ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......

ចុចអានបន្ត៖

អត្ថបទ៖ ម៉េងងី