ឈិន ឡុងសុខចិត្តជះលុយទិញយន្តហោះ តែមិនព្រមផ្គត់ផ្គង់កូនស្រី
- 2018-04-24 03:15:00
- ចំនួនមតិ 0 | ចំនួនចែករំលែក 0
ឈិន ឡុងសុខចិត្តជះលុយទិញយន្តហោះ តែមិនព្រមផ្គត់ផ្គង់កូនស្រី
ចន្លោះមិនឃើញ
តារាសម្ដែង Jackie Chan (ឈិន ឡុង) ជាតារាមួយរូបដែលល្បីរន្ទឺស្ទើរពាសពេញពិភពលោក។ កាលពីឆ្នាំ២០១៥ ទ្រព្យសម្បត្តិរបស់លោកត្រូវបានឲ្យដឹងថាមានប្រមាណ ៣៥០ លានដុល្លារ ហើយលោកក៏បានជាប់ចំណាត់ថ្នាក់លេខ២ជាតារាដែលទទួលបានតម្លៃខ្លួនខ្ពស់ជាងគេលើពិភពលោកក្នុងឆ្នាំ២០១៦។ តារាវ័យ ៦៤ឆ្នាំរូបនេះក៏បានជាប់ឈ្មោះជាតារាមួយក្នុងចំណោមតារា១០រូបដែលធ្វើកម្មវិធីសប្បុរសធម៌ច្រើនជាងគេ។
ផ្ទុយពីការធ្វើអំពើសប្បុរសធម៌នេះ លោក ឈិន ឡុងនៅតែបន្តបដិសេធមិនព្រមផ្គត់ផ្គង់កូនស្រីឥតខាន់ស្លារបស់លោកដែលមានឈ្មោះថា Etta Ng។ ដោយកាលពីឆ្នាំ២០១២ តារាសម្ដែងរូបនេះក៏បាននិយាយក្នុងកិច្ចសម្ភាសន៍មួយដែរថា លោកនឹងមិនឲ្យសូម្បីតែមួយកាក់មួយសេនទៅលើកូនស្រីក្រៅច្បាប់របស់លោករូបនោះជាដាច់ខាត។ ក្រោយកិច្ចសម្ភាសន៍នោះត្រូវបានបញ្ចប់ តារាសម្ដែង Jackie Chan ត្រូវបានទទួលមតិរិះគន់ជាច្រើនទៅលើអត្តចរិតលោកចំពោះកូនស្រី។ តែទោះជាមានមតិរិះគន់ច្រើនយ៉ាងណាក៏ដោយ ក៏លោកនៅតែសម្រេចចិត្តបែបនេះដដែល។
មតិរិះគន់ចំពោះចរិតគ្មានចិត្តគ្មានថ្លើមរបស់លោកបានបន្តឡើងសារជាថ្មី នៅពេលដែលថ្មីៗនេះលោកបានចំណាយលុយទិញយន្តហោះផ្ទាល់ខ្លួនមួយគ្រឿង។
បើតាមសេចក្ដីរាយការណ៍ព័ត៌មានរបស់ Taiwan បានឲ្យដឹងថា យន្តហោះដែលតារាសម្ដែងរូបនេះបានទិញនោះ គឺធ្លាប់ជាកម្មសិទ្ធិរបស់ម្ចាស់ក្រុមហ៊ុន Evergreen Group លោក Chang Jung Fa មុនពេលលោកស្លាប់ក្នុងខែមករា ឆ្នាំ២០១៦ ហើយបើតាម EVA Air បានបញ្ជាក់ថា យន្តហោះមួយគ្រឿងនេះបានលក់ចេញក្នុងខែមីនា៕
ចុចអាន៖
ក្រោយផ្ដាច់ខ្លួន១៦ឆ្នាំពីវិស័យចម្រៀង ឥឡូវឈិនឡុងវិលមកជាមួយអាល់ប៊ុមថ្មី
ឈិនឡុង បញ្ចេញឃ្លីបខ្លីនៃបទចម្រៀងថ្មី ពីរោះលន្លង់លន្លោច (វីដេអូ)