ចាស់និយាយកម្រខុស! ត្រណម៤យ៉ាង ពេលមានផ្ទៃពោះត្រូវជៀសវាងដាច់ខាត

2018-04-24 06:12:55
ចំនួនមតិ 0 | ចំនួនចែករំលែក 0

ចន្លោះមិនឃើញ

៩ខែដប់ថ្ងៃ ជារយៈពេលដែលស្ត្រីគ្រប់រូបត្រូវពពោះកូនក្នុងផ្ទៃ ហើយក៏ជារឿងដ៏លំបាកបំផុតរបស់ស្ត្រី។ ក្នុងអំឡុងពេលពពោះ ស្ត្រីជាម្ដាយត្រូវថែរក្សាសុខភាពឱ្យល្អ ថែទាំកូនក្នុងផ្ទៃរង់ចាំថ្ងៃដែលកូនប្រសូតចេញពីពោះម្ដាយ។ ចំណែកតាមទំនៀមទម្លាប់តាំងពីបុរាណក្នុងសង្គមខ្មែរ លោកយាយ វែន រ៉េត ឆ្មបបុរាណក្នុងខេត្តកំពង់ស្ពឺ ស្រុកសំរោងទង ឃុំតាំងក្រូច ភូមិក្រាំងម្កាក់ បានរៀបរាប់ត្រណម ៤យ៉ាង។

រូបតំណាង

**១. ហាមមិនឱ្យអង្គុយមាត់ជណ្ដើរ**

លោកយាយ វ៉ែន រ៉េត ជាឆ្មបបុរាណធ្លាប់មានបទពិសោធន៍ជាច្រើនឆ្នាំមកហើយ បច្ចុប្បន្នលោកយាយមានអាយុ ៨៥ បានឆ្នាំបានប្រាប់ថា ត្រណមតាំងពីបុរាណមកចាស់ៗតែងហាមប្រាមស្រ្តីមានផ្ទៃពោះមិនឱ្យអង្គុយមាត់ជណ្ដើរនោះទេ។ លោកយាយប្រាប់ថា ការដែលស្រ្តីមានផ្ទៃពោះអង្គុយមាត់ជណ្ដើរ ខ្លាចពិបាកសម្រាលកូន កូននោះក្រចេញពីផ្ទៃពោះម្ដាយពេលសម្រាលត្រូវប្រើរយៈពេលយូរ។ ម្យ៉ាងវិញទៀត ខ្លាចលោវិលមុខ ឬក៏រអិលជើងធ្លាក់ចុះមក ហេតុនេះហើយបានជាចាស់ៗមិនឱ្យអង្គុយមាត់ជណ្ដើរដាច់ខាត។

២.ហាមមិនឱ្យឈោងចាប់នេះចាប់នោះ

លោកយាយប្រាប់ទៀតថា កាលណាស្ត្រីចាប់ផ្ដើមមានផ្ទៃពោះ តាំងពីខែដំបូងដាច់ខាតមិនឱ្យឈោងចាប់នេះចាប់នោះទេ។ លោកយាយបន្តទៀតថា មូលហេតុដែលចាស់ៗហាមមិនឱ្យឈោងដៃខ្ពស់ៗព្រោះខ្លាចទងសួតរបូតចេញពីមាត់កូន អាចបណ្ដាលឱ្យកូនមានគ្រោះថ្នាក់ដល់អាយុជីវិតក្នុងផ្ទៃម្ដាយក៏មានដែរ។

រូបតំណាង

៣.មិនឱ្យងូតទឹកពេលយប់

លោកយាយ វ៉ែន រ៉េត ប្រាប់ទៀតថា តាំងពីជំនាន់តាយាយរបស់លោកយាយមកម្វ៉េះ ហាមដាច់ខាតមិនឱ្យងូតទឹកពេលយប់ទេ។ ងូតទឹកពេលយប់ លោកយាយប្រាប់ថា អាចធ្វើឱ្យកូននោះថ្លោសពេក ពិបាកសម្រាលព្រោះទឹកពេលយប់ត្រជាក់ខ្លាំង ធ្វើឱ្យកូនក្នុងពោះត្រជាក់នាំឱ្យថ្លោស។ ម្យ៉ាងវិញទៀត ងូតទឹកពេលយប់ខ្លាចសត្វចង្រៃ ដូចជាពស់ ក្អែប ចេញរកស៊ីពេលយប់ ខ្លាចមានគ្រោះថ្នាក់។

៤. កុំដំអក់

ចាស់ៗពីដើម តែងហាមប្រាមស្រ្តីមានផ្ទៃពោះកុំទម្លាប់ដំអក់ ខ្ជិល ធ្វើអីយឺតៗ ដូចជា ហូបបាយមិនត្រូវឡេះឡោះ ព្រឹកឡើងត្រូវក្រោកមុនប្ដី ប្រញាប់ចូលគេងជាដើម។ មូលហេតុបានជាចាស់ៗក្នុងសង្គមខ្មែរ ឱ្យធ្វើដូចនេះព្រោះខ្លាចកូននោះកើតមកមិនរហ័សរហូន ខ្ជិលច្រអូស ព្រោះឆ្លងតាមម្ដាយតាំងពីនៅក្នុងពោះ។ ទំនៀមទម្លាប់នេះ លោកយាយប្រាប់ថា មិនអាចមិនជឿបានទេ ត្រូវតែប្រតិបត្តិឱ្យបានខ្ជាប់ខ្ជួន៕

អត្ថបទ៖ វឌ្ឍនៈ

ពាក្យទាក់ទង

អប្បិយជំនឿ

អត្ថបទពេញនិយម

ឧកញ៉ា គិត ស៊ូឡា ឡើងជានាយកគ្រប់គ្រងផ្នែកប្រតិបត្តិការ ក្រុមហ៊ុន រ៉ូយ៉ាល់គ្រុប អន្តរជាតិ

លក្ខខណ្ឌទាំងនេះ ត្រូវបានអតីតតារាសម្ដែង ម៉ៅ ចំណាន បំពេញគ្រប់ សម្រាប់បេក្ខភាពប្រធានសមាគម

ត្រៀមកន្លែងថតរូបថ្មី! អាជ្ញាធរខេត្តកំពត ចាប់ផ្តើមសាងសង់ប្រាសាទលោកយាយម៉ៅលើកំពូលភ្នំទ្វារ ឡានម៉ូតូក៏អាចបើកឡើងដល់ដែរ

ផ្លូវជាតិលេខ៤៨ ស្រែអំបិល-កោះកុង សម្រេចសាងសង់បានពាក់កណ្តាលហើយ និងគ្រោងបញ្ចប់ចាក់កៅស៊ូឆ្នាំក្រោយ

ខេត្តដែលទទួលបានភ្ញៀវទេសចរច្រើនជាងគេ និងតិចជាងគេបង្អស់ក្នុងឱកាសចូលឆ្នាំខ្មែរ

ងាយៗ! ពិនិត្យមើលសំបកកង់៣ចំណុចធំៗនេះដោយខ្លួនឯងបាន ចៀសវាងបែកកង់តាមផ្លូវ

អត្ថបទថ្មី

Neuer បង្កើតកំណត់ត្រាថ្មីក្នុង Champions League

វគ្គ Semi Final របស់ Europa League ឆ្នាំនេះ សុទ្ធតែគីឡូធ្ងន់

ចាប់ផ្តើមដំណើរឆ្ពោះទៅរកភាពភ្លឺថ្លា POND'S Bright Miracle បង្ហាញពីភាពច្នៃប្រឌិតក្នុងការថែរក្សាស្បែក

តើក្រុមបាល់ទាត់ជម្រើសជាតិប្រទេសណាជាប់លេខ១ នៅទ្វីបអាស៊ី?

ត្រៀមខ្លួនហើយឬនៅ សម្រាប់ដំណើរទៅលេងបុណ្យភ្នំ-ឧទ្យានជាតិគិរីរម្យ នាដើមខែឧសភា ឆ្នាំ២០២៤ នេះ?

៣ ចំនុចដែលអ្នកគួរដឹង បើចង់ក្លាយជាម្ចាស់មកុដ MUC 2024