គុណធម៌៣នេះ ទើបកាហ្វេសរីរាង្គឈរជើងមាំ ក្រោយផ្ទុះរឿងកាហ្វេថ្មពិល កក្រើកហ្វេសប៊ុក!
- 2018-04-25 01:25:48
- ចំនួនមតិ 0 | ចំនួនចែករំលែក 0
គុណធម៌៣នេះ ទើបកាហ្វេសរីរាង្គឈរជើងមាំ ក្រោយផ្ទុះរឿងកាហ្វេថ្មពិល កក្រើកហ្វេសប៊ុក!
ចន្លោះមិនឃើញ
ក្រោយផ្ទុះរឿងកាហ្វេផលិតពីថ្មពិលនៅប្រទេសវៀតណាម ម្នាក់ៗនៅតែភ្ញាក់ខ្លួនក្រញាង ហួសចិត្តពីភាពកខ្វក់ និងផលប៉ះពាល់សុខភាពជាច្រើន នៃអាជីវកម្មខ្វះគុណធម៌។
ផ្ទុយពីកាហ្វេថ្មពិល កាហ្វេសរីរាង្គជាប្រភេទកាហ្វេក្នុងស្រុកថ្មីមួយ ដែលទើបតែចាប់ផ្ដើមអាជីវកម្មបានប្រមាណជាង៤ខែ គឺពីចុងឆ្នាំ២០១៧មក។ ក្រុមអាជីវកម្មកាហ្វេនេះ បានបញ្ជាទិញគ្រាប់កាហ្វេពី កសិករបម្រុងទុក ប្រមាណ៣តោន ដើម្បីឆ្លើយតបនៅនឹងសន្ទុះនៃការគាំទ្រ។
សហគ្រិនវ័យក្មេង លោក កុក ថា អ្នកគ្រប់គ្រងអាជីវកម្មកាហ្វេសរីរាង្គ បានឲ្យដឹងថា ទោះដំណើរការ ទើបបានខ្លីក៏ពិតមែន ប៉ុន្តែ គុណភាព និងគុណធម៌ នៃកាហ្វេសរីរាង្គគឺមាន ភាពចាស់ទុំ និងផែនការច្បាស់លាស់ គួរឲ្យមោនភាពរួមមាន៣ចំណុច៖
១. គាំទ្រដល់កសិករខ្មែរ ដែលខិតខំដាំដុះ៖ ចំណុចនេះគឺដើម្បីបង្កើតការងាររយៈពេលវែងដល់សហគមន៍ឲ្យបានច្បាស់លាស់ និងជួយលើកកម្ពស់ជីវភាពកសិករ ដែលភាគច្រើនជាជនជាតិដើមភាគតិច នៅតំបន់ប៊ូស្រា ខេត្តមណ្ឌលគិរី។ មួយវិញទៀត គឺជួយកសិករដែលបានចំណាយពេលដាំកាហ្វេ កុំឲ្យបារម្ភរឿងខ្វះទីផ្សារក្រោយពេលបានផល។
២. យកចិត្តទុកដាក់ដល់សុខុមាលភាពរបស់អ្នក ហូបកាហ្វេ និងភេសជ្ជៈ៖ ជាចំណុចសំខាន់ទី២ ដែលនេះមិនមែនជា រឿងលេងសើច គឺ ត្រូវយកចិត្តទុកដាក់ខ្ពស់។ អាជីវកម្មកាហ្វេ មិនមែនដើម្បីតែប្រាក់ចំណេញមួយមុខ រួចមកបង្កគ្រោះថ្នាក់ដល់សុខភាពអតិថិជននោះទេ។ គ្រាប់ កាហ្វេសរីរាង្គ មុនសម្រេចយកមកលក់ គឺត្រូវឆ្លងកាត់ក្រុមវាយតម្លៃ ដែលមានការទទួលស្គាល់ជាផ្លូវការពីស្ថាប័នជំនាញ។
៣. ជំរុញវប្បធម៌នៃការចែករំលែកចំណេះដឹង បទពិសោធន៍រវាងប្រជាជនខ្មែរ៖ រៀងរាល់ចុងសប្ដាហ៍នៅ ហាងកាហ្វេនេះ តែងមានវេទិកា ញ៉ាំកាហ្វេផ្ទេរចំណេះ។ ដោយមានការចូលរួមធ្វើ បទបង្ហាញ ពីស្ថាបនិកទាំង៩រូបរបស់កាហ្វេសរីរាង្គ ដែលសុទ្ធ សឹងតែ ជាក្រុមធនធានមនុស្ស និងអ្នកធ្វើ ការងារផ្នែកសង្គម ចាស់វស្សា និងខ្លះជាយុវសហគ្រិនវ័យក្មេងពោរពេញដោយបទពិសោធន៍។ ក្រៅពី នេះ ក៏មានការចូលរួមពីសំណាក់វាគ្មិនជំនាញផ្សេងទៀត ទៅតាមប្រធានបទ។