ត្រឹម ៣ ខែ សោះ YouTube លុបចោលអស់ជាង ៨ លានវីដេអូ
- 2018-04-25 01:38:25
- ចំនួនមតិ 0 | ចំនួនចែករំលែក 0
ត្រឹម ៣ ខែ សោះ YouTube លុបចោលអស់ជាង ៨ លានវីដេអូ
ចន្លោះមិនឃើញ
របាយការណ៍ចុះផ្សាយកាលពីថ្ងៃចន្ទបានឲ្យដឹងថាក្រុមហ៊ុន YouTube បានធ្វើការលុបចោលអស់ប្រមាណ ៨,៣ លានវីដេអូ ពី Sever ក្នុងចន្លោះខែតុលាដល់ធ្នូ ឆ្នាំ ២០១៧។ មួយផ្នែកធំនៃបណ្តុំវីដេអូទាំងនោះច្រើនជាប្រភេទ Spam ឬលាយឡំមាតិកាអាសអាភាស និងផ្នែកផ្សេងទៀតទាក់ទងអំពើហិង្សា, ភេរវកម្ម និងការរំលោភបំពាន។
ចំនួននេះសោតពុំបានបូកបញ្ចូលមាតិកាជាប់កម្មសិទ្ធិបញ្ញា (Copyright) នោះទេ ប៉ុន្តែដំណើរការនៃការលុបសឹងតែទាំងស្រុងធ្វើឡើងដោយស្វ័យប្រវត្តិឆ្លងកាត់ម៉ាស៊ីនបច្ចេកវិទ្យា ពោលគឺជាង ៦,៧ លានវីដេអូ ស្មើនឹង ៧៦ ភាគរយប្រើប្រាស់ម៉ាស៊ីនក្នុងការត្រួតពិនិត្យ។
គម្រោងរបស់ក្រុមហ៊ុនស្ថិតក្រោមការគ្រប់គ្រងរបស់ Google មួយនេះ ក៏នឹងបង្កើតនូវក្រុមអ្នកត្រួតពិនិត្យឲ្យបាន ១០ ០០០ នាក់ នៅចុងឆ្នាំ ២០១៨ ជាពិសេសបុគ្គលិកបម្រើការពេញម៉ោងដែលមានជំនាញចាប់វីដេអូខុសគោលការណ៍ ទាក់ទងអំពើហិង្សានិងការរំលោភសិទ្ធមនុស្ស ដែលត្រូវឆែកលម្អិតបន្ថែមតពីម៉ាស៊ីន។
តួលេខនៃការលុបចោលពី YouTube ក៏ជាសារដាស់តឿនដល់អ្នកផលិតវីដេអូរាប់លាននាក់ជុំវិញពិភពលោក ស្របពេលគេហទំព័រផ្សព្វផ្សាយវីដេអូមួយនេះទទួលការបង្ហោះចូលនូវមាតិកាច្រើនជាង ៤០០ ម៉ោងរៀងរាល់មួយនាទី។
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ: