មុនប៉ះគ្នា កីឡាករឆ្នើម Bayern ម្នាក់យល់ថា Ronaldo ជាកីឡាករគ្រប់ជ្រុងជ្រោយជាង Messi
- 2018-04-24 12:48:07
- ចំនួនមតិ 0 | ចំនួនចែករំលែក 0
មុនប៉ះគ្នា កីឡាករឆ្នើម Bayern ម្នាក់យល់ថា Ronaldo ជាកីឡាករគ្រប់ជ្រុងជ្រោយជាង Messi
ចន្លោះមិនឃើញ
ខ្សែការពារស្លាប Joshua Kimmich ក្នុងថ្ងៃនេះ បាននិយាយថា ខ្សែប្រយុទ្ធ Cristiano Ronaldo ជាកីឡាករគ្រប់ជ្រុងជ្រោយជាង Lionel Messi។
កីឡាករអាល្លឺម៉ង់ បានថ្លែងប្រាប់សារព័ត៌មាន Blid ថា៖ "ពេលនិយាយរឿងចំនួនគ្រាប់បាល់ Ronaldo តែងតែជាកីឡាករនាំមុខជានិច្ច ជាពិសេសគ្រាប់បាល់ក្នុង Champions League"។
Kimmich បានបន្តថា៖ "ចំណែក Messi វិញ ជាកីឡាករមួយបែបផ្សេងខុសពី Ronaldo ប៉ុន្តែបើតាមគំនិតខ្ញុំ Ronaldo ជាកីឡាករគ្រប់ជ្រុងជ្រោយជាង បើនិយាយរឿងជំនាញបច្ចេកទេស។ Messi គឺជាកីឡាករពូកែញាក់ ខណៈ Ronaldo ជាកីឡាករដែលសម្រេចគ្រាប់បាល់។ ដូច្នេះខ្ញុំមិនអាចរើសទេ ថាមួយណាល្អជាងមួយណា។ ខ្ញុំគ្រាន់តែសប្បាយចិត្តដែលបានលេងក្នុងជំនាន់ជាមួយពួកគេ"។
កីឡាករវ័យក្មេង បានលើកឡើងទៀតថា បើចង់បិទ Ronaldo កុំឲ្យស៊ុតចូល មានតែបិទជាក្រុមទើបអាចទៅរួច ហើយ Bayern ត្រូវតែខំគ្រប់យ៉ាង ដើម្បីកុំឲ្យខ្សែប្រយុទ្ធ Ronaldo បន្តកំណត់ត្រាស៊ុតនៅប្រកួតប៉ះគ្នាខាងមុខ។
Cristiano Ronaldo ស៊ុតចូល ១៥គ្រាប់ និងបញ្ជូនបាល់ឲ្យមិត្តរួមក្រុមស៊ុតចំនួន ២ លើកក្នុង Champions League រដូវកាលនេះ។
Bayern នឹងបើកទ្វារស្វាគមន៍ Real Madridក្នុងជំនួបជើងទី ១ UCL វគ្គពាក់កណ្ដាលផ្ដាច់ព្រ័ត្រ នៅវេលារំលងអាធ្រាត្រយប់ស្អែកនេះ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
