តារាសង្ហាទាំង ៥ ដួង សុទ្ធតែធ្លាប់ជួបមេរៀនស្នេហ៍ល្វីងជូរចត់ សឹងនឹងរាងចាល

2018-04-24 14:50:44
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀងទាំង៥ដូងខាងក្រោម សឹងតែរៀងចាលនឹងស្នេហា ព្រោះធ្លាប់ភ្លក់រសជាតិល្វីងជូរចត់នៃស្នេហ៍គ្រាដំបូង។

១. តារាចម្រៀង Sunggyu ក្នុងក្រុម INFINITE

ស្នេហ៍គ្រាដំបូងរបស់តារាចម្រៀងរូបនេះ គឺជាសមាជិកក្រុមតន្ត្រីប្រចាំសាលារបស់លោក។ កាលនោះ តារាចម្រៀង Sunggyu បានចាប់ផ្ដើមចេញពីមិត្តភាព រហូតដល់លង់ស្រលាញ់ភាគីខាងស្រីដកចិត្តមិនរួច។ រឹតតែពិសេស តារាក្នុងក្រុម INFINITE រូបនេះ ក៏បានសារភាពស្នេហ៍តាមរយៈបទចម្រៀង Dream of a Doll ទៀតផង។ ទោះខំប្រឹងយ៉ាងណា ក៏ស្នេហ៍គ្រាដំបូងរបស់តារាប្រុសសង្ហានេះ មិនបានឋិតថេរដែរ។

២. តារាចម្រៀង Hoya

តារារូបនេះ ស្គាល់ស្នេហ៍គ្រាដំបូងនៅក្នុងថ្នាក់បញ្ចប់មធ្យមសិក្សា។ លោក Hoya បាននាំមនុស្សដែលលោកស្រលាញ់ទៅលេងសមុទ្រ ដើម្បីឆ្លៀតឱកាសសារភាពស្នេហ៍។ យ៉ាងណាមិញ គូស្នេហ៍នេះ ទីបំផុតក៏នៅតែចែកផ្លូវគ្នា។

៣.តារាចម្រៀង Minhyuk ក្នុងក្រុម BTOB

តារាចម្រៀង Minhyuk ធ្លាប់លួចស្រលាញ់នារីម្នាក់អស់រយៈពេល៤ឆ្នាំ ហើយក៏បានសេពគប់គ្នាមែន។ តែទីបំផុត លោកក៏ដាច់ចិត្តសុំបែកគ្នា ព្រោះវាជាស្នេហាដែលស្រលាញ់តែម្ខាង។

៤. តារាចម្រៀង Henry ក្នុងក្រុម Super Junior M

តារាប្រុសសង្ហា Henry ធ្លាប់ស្រលាញ់ និងសេពគប់ជាមួយនារីសញ្ជាតិកាណាដាកាលពី៧ឆ្នាំមុន តែនារីម្នាក់នោះបែរជាក្បត់លោក ដោយទៅសេពគប់ជាមួយមិត្តសម្លាញ់របស់លោកទៅវិញ។

៥.តារាចម្រៀង Chanyeol ក្នុងក្រុម EXO

តារាក្នុងក្រុម EXO រូបនេះ បានស្រលាញ់មនុស្សស្រីនៅឯព្រះវិហារម្នាក់។ ទោះជាតារាសង្ហា Chanyeol មានចរិតលេងច្រើន រួសរាយ ក៏លោកគ្មានភាពក្លាហានសារភាពប្រាប់នាងដែរ។ ទីបំផុត បានត្រឹមតែលួចស្រលាញ់៕

ប្រភព៖ Koreaboo ប្រែសម្រួល៖ ម៉េង សុខហួយ