បន្ទាប់ពី ព្រាប សុវត្ថិ-សុគន្ធកញ្ញា ឥឡូវដឹងតម្លៃខ្លួន ខេមរៈ សិរីមន្ត ក៏ខ្ពស់មិនធម្មតា!
- 2018-04-26 03:40:30
- ចំនួនមតិ 0 | ចំនួនចែករំលែក 0
បន្ទាប់ពី ព្រាប សុវត្ថិ-សុគន្ធកញ្ញា ឥឡូវដឹងតម្លៃខ្លួន ខេមរៈ សិរីមន្ត ក៏ខ្ពស់មិនធម្មតា!
ចន្លោះមិនឃើញ
បន្ទាប់ពីតម្លៃខ្លួនរបស់ ព្រាប សុវត្ថិ និង ឱក សុគន្ធកញ្ញា ត្រូវបានបង្ហើបកាលពីខែប៉ុន្មានខែមុននោះ នៅថ្ងៃនេះ មានប្រភពមួយទៀតបង្ហើបពីតម្លៃខ្លួនរបស់តារាចំណូលថ្មី ខេមរៈ សិរីមន្ត វិញម្ដង ដែលតាមតួលេខ គឺខ្ពស់មិនធម្មតាដែរ។
ប្រភពពីអ្នករៀបចំការប្រគំតន្ត្រីតាមខេត្តនានា សុំមិនបញ្ចេញឈ្មោះបានឲ្យដឹងថា តម្លៃខ្លួនរបស់អតីតតារាចម្រៀង សាន់ដេ គឺមានចន្លោះ ៣ពាន់ដុល្លារ ទៅ ៣៥០០ដុល្លារអាមេរិក។ តាមតម្លៃនេះ គឺប្រហាក់ប្រហែលនឹងតារាស្រីជួររបស់ហង្សមាស សុគន្ធកញ្ញា ដែរ។
យ៉ាងណាក៏ប្រភពបញ្ជាក់ថា តម្លៃនេះ មិននៅស្ថិតស្ថេរឡើយ គឺអាចឡើង ចុះ តាមប្រភេទ និងទីតាំងការងារ រួមទាំងការចរចាផ្ទាល់រវាងភាគីទាំងពីរទៀត។ "តម្លៃហ្នឹង គឺយើងជាអ្នករៀបចំផ្ទាល់ខ្លួនឯង អត់មានឆ្លងកាត់ Agency បើឆ្លងកាត់ Agency កួកជេទៀត តម្លៃខ្លួនគេ អាចខ្ពស់ជាងហ្នឹងទៀត"។
តម្លៃខ្លួនរបស់តារាចម្រៀងជួរមុខរបស់កម្ពុជា ដែល Sabay ទទួលបាន ខាងលើ គឺតួលេខឆ្នាំ ២០១៦។ ដោយឡែក តួលេខចុងក្រោយ ប្រភពបញ្ជាក់ថា មិនទាន់មានទេ។ ដូច្នេះជាក់ស្ដែង តម្លៃពលកម្មរបស់ពួកគេ អាចប្រែប្រួលខ្លះទៀត ពិសេសករណីម្ចាស់បទ "សង្សារក្រជូនពរអូន" ព្រោះថា តម្លៃខ្លួនខាងលើ គឺជាតម្លៃដែលលោកនៅជាតារាចម្រៀងរបស់សាន់ដេនៅឡើយ។
បច្ចុប្បន្ន តារាចម្រៀងមកពីខេត្តកំពង់ចាមរូបនេះ បានផ្លាស់ទ្រនំចូលមកហង្សមាសទៅហើយ។ ដូច្នេះហើយ គឺមានភាគរយខ្ពស់ដែលថា ខេមរៈ សិរីមន្ត អាចនឹងឡើងតម្លៃខ្លួនពលកម្មច្រើនជាងតួលេខឆ្នាំ ២០១៦នេះ៕