Son អាចនឹងរួចខ្លួនពីកាតព្វកិច្ចយោធា ប្រសិនអាចបំពេញលក្ខខ័ណ្ឌ១នេះបាន

2018-04-26 04:22:50
ចំនួនមតិ 0 | ចំនួនចែករំលែក 0

ចន្លោះមិនឃើញ

តាមច្បាប់នៃប្រទេសកូរ៉េខាងត្បូងយុវជនអាយុចាប់ពី២១ឆ្នាំដល់២៧ឆ្នាំ ត្រូវបំពេញកាតព្វកិច្ចយោរយៈពេល២១ខែ (ជិត២ឆ្នាំ)។ ចំណែក Son Heung-min ខ្សែប្រយុទ្ធរបស់ Spurs មិនទាន់បានចូលបំពេញកាតព្វកិច្ចនៅឡើយទេ។

Son វ័យ២៥ឆ្នាំនឹងមិនបានចូលលេងនៅដើមរដូវកាល Premier League រដូវកាល២០១៨-១៩ ដោយសារតែរូបគេមានភារកិច្ចលេងនៅកម្មវិធី Asia Games ដែលនឹងចាប់ផ្ដើមនៅថ្ងៃទី ១ ខែ កញ្ញា ឆ្នាំ ២០១៨។ សម្រាប់ Premier League រដូវកាលក្រោយ នឹងបើនៅថ្ងៃទី ១១ ខែ សីហា ឆ្នាំ ២០១៨ ដូច្នេះ Son នឹងអាចលេងនៅប៉ុន្មានប្រកួតដំបូងឲ្យ Spurs ដោយជាប់នៅជាមួយជម្រើសជាតិកូរ៉េខាងត្បូង។

តាមសម្ដីលោក Kim Hak-bum គ្រូជម្រើសជាតិកូរ៉េខាងត្បូងបានប្រាប់សារព័ត៌មាន Yonhap news ថា បន្ទាប់ពីត្រូវជួយក្រុមនៅ World Cup នៅប្រទេសរុស្សី Son ក៏គ្រោងលេងឲ្យជាតិនៅព្រឹត្តិការណ៍ Asia Games ផងដែរ។ យ៉ាងនេះក្ដី វាក៏ជារឿងល្អមួយ ព្រោះពេលនេះ Son មិនទាន់បំពេញកាតព្វកិច្ចយោធានៅឡើយ តែប្រសិនជាអាចជួយក្រុមឈ្នះមេដាយមាស Asia Games នោះគេអាចរួចខ្លួន៕